سوڭعى تاۋلىكتە جاڭادان 9 جاعداي انىقتالىپ وتىر. وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ جاڭادان تىركەلگەن ناۋقاستار تۋرالى ايتىپ بەردى.
ولاردىڭ بەسەۋى قىزىلوردا قالاسىنان, تورتەۋى شيەلى اۋدانىنان شىعىپ وتىر. وبلىس ورتالىعىندا انىقتالعان تۇرعىنداردىڭ بارلىعى الدىندا ناۋقاستارمەن جاقىن قارىم-قاتىناستا بولىپ, كارانتيندىك باقىلاۋعا الىنعاندار. شيەلى اۋدانىندا وسى ىندەتكە شالدىققان 4 ناۋقاستىڭ ۇشەۋى وسىنداي كارانتيندىك باقىلاۋعا الىنعاندار اراسىنان شىعىپ وتىر. ال بىرەۋى رەسەيدەن كەلگەن ستۋدەنتتەن انىقتالدى. بۇگىندە اتالعان ناۋقاستاردىڭ بارلىعى وبلىستاعى ينفەكتسيالىق اۋرۋحانالارعا اۋىستىرىلىپ, ءتيىستى ەمدەرىن باستادى, – دەدى جاقسىلىق ابدىسامەتوۆ.
جاقسىلىق ابىلقاسىم ۇلى وتكەن تاۋلىكتە وبلىسىمىزدا كوروناۆيرۋستىق ينفەكتسياعا بايلانىستى 694 تەست سىناماسى الىنعانىن ايتىپ ءوتتى. ونىڭ 509-ءى تەرىس ءماندى بولىپ شىقسا, 176-ءى ءالى تەكسەرىلۋدە.
سونداي-اق, باسقارما باسشىسى سوڭعى ۋاقىتتارى ۆيرۋستىڭ وتباسىلىق جانە تۋىستىق بايلانىس ارقىلى جۇعۋ كورسەتكىشتەرىنىڭ سانى ارتقانىن اتاپ ءوتتى. مىسالى, قىزىلوردا قالاسىندا ىندەت جۇقتىرعان 5 تۇرعىن ء بىر وتباسىنىڭ ادامدارى.
قىزىلوردا وبلىسى
