ول ءۇشىن جابىق ارنا ارقىلى بەينەكونفەرەنتسيا بايلانىسى پايدالانىلادى. وبلىستاعى 12 اۋماقتىق ۋاقىتشا ۇستاۋ يزولياتورى (ۋۇي) بارلىعى قاجەتتى اپپاراتۋرامەن جابدىقتالعان. بۇگىنگى كۇنى پەتروپاۆل قالالىق سوتى سانكتسيا شىعارۋدىڭ ۆيرتۋالدى مۇمكىندىگىن 51 رەت, اۋداندىق سوتتار - 7 رەت پايدالانعان. ماسەلەن, مامليۋت اۋدانى ورتالىعىنىڭ 32 جاسار ماس تۇرعىنى كولىك جۇرگىزگەنى ءۇشىن بۇرىن باسقارۋ قۇقىعىنان ايىرىلسا دا, كولىككە تاعى ءمىنىپ, جەكە مەنشىك ۇيلەردىڭ ءبىرىنىڭ قورشاۋىن سوققان. انىقتاۋشىلار ءىستى ەلەكتروندىق فورماتتا تەرگەدى. قاجەتتى قۇجاتتار تولتىرىلعان سوڭ, بىردەن قاماۋعا سانكتسيا بەرىلدى. ءاربىر پروتسەدۋرا جىلدام ورىندالدى ءارى قاداعالاۋ ورگاندارىمەن ءوزارا ءىس-ارەكەت جاساۋعا قولجەتىمدى بولدى. قازىرگى ۋاقىتتا تسيفرلىق ءىس سوتقا تاپسىرىلدى. ءىس-ارەكەتىنەن ادام زارداپ شەگۋى مۇمكىن كۇدىكتى اۆتوموبيل باسقارۋ قۇقىعىنان ءومىر بويىنا, باس بوستاندىعىنان 6 جىلعا دەيىن ايىرىلۋى مۇمكىن.
«ەلەكتروندىق قىلمىستىق ءىس» پروتسەستى جەدەلدەتەدى ءارى جەڭىلدەتەدى, تەرگەۋ ساپاسىن ارتتىرىپ, سىبايلاس جەمقورلىق تاۋەكەلدەرىن تومەندەتەدى, - دەيدى سقو پد تەرگەۋ باسقارماسىنىڭ باستىعى, پوليتسيا پولكوۆنيگى قايرات قاسىمبەكوۆ. «وبلىستىق اپپاراتتا ىستەردى تسيفرلىق تۇردە جۇرگىزۋ ءۇشىن 76 جۇمىس ورنى جابدىقتالدى. اتالعان جۇمىس ورىندارىندا انىقتاۋشىلار مەن تەرگەۋشىلەر, سونداي-اق ءوز قۇزىرەتى شەگىندە كريميناليستەر دە, اكىمشىلىك جانە جەرگىلىكتى پوليتسيا قىزمەتتەرىنىڭ قىزمەتكەرلەرى دە جۇمىس ىستەيدى. جاس قىزمەتكەرلەردى ۇيرەتۋ ۇدايى جۇرگىزىلىپ تۇرادى, جىل باسىنان «ە-قىلمىستىق ىسپەن» جۇمىس ىستەۋ داعدىسىن 46 ادام يگەردى», دەيدى ول.
جىل باسىنان «ە-قىلمىستىق ءىس» جۇيەسىندە 2631 ءوندىرىس جۇرگىزىلگەن. قازىر قىلمىستىق ىستەردى جۇرگىزۋدى تولىعىمەن ەلەكتروندى فورماتقا كوشىرۋ جوسپارلانعان.
سولتۇستىك قازاقستان وبلىسى
