داعدارىسقا قارسى نەگىزگى زاڭنامالىق تۇزەتۋلەردى تالقىلاۋ ءماجىلىس دەپۋتاتتارى, مەملەكەتتىك ورگاندار مەن «اتامەكەن» ۇكپ وكىلدەرىنىڭ قاتىسۋىمەن بەينەكونفەرەنتسيا فورماتىندا وتۋدە.
زاڭ جوباسى «الەۋمەتتىك-ەكونوميكالىق تۇراقتىلىقتى قامتاماسىز ەتۋ جونىندەگى شارالار تۋرالى» قازاقستان رەسپۋبليكاسى پرەزيدەنتiنىڭ 2020 جىلعى 16 ناۋرىزداعى جارلىعىن ورىنداۋ ماقساتىندا ازىرلەندى جانە قازىرگى ۋاقىتتا ەلىمىزدە توتەنشە جاعدايدى ەنگىزۋمەن تىكەلەي بايلانىستى. ۇلتتىق ەكونوميكا ۆيتسە-ءمينيسترى ايگۇل شايموۆانىڭ ايتۋىنشا, بۇل زاڭ جوبا توتەنشە جاعداي كەزىندە باسقارۋ شەشىمدەرىن قابىلداۋ ءۇشىن قاجەتتى شارا بولىپ تابىلادى.
اتاپ ايتقاندا, قازاقستان رەسپۋبليكاسى پرەزيدەنتىنىڭ اكتىلەرىنە سايكەس توتەنشە جاعداي كەزىندە ەلدىڭ ەكونوميكالىق قاۋىپسىزدىگىن قامتاماسىز ەتۋ ءۇشىن ماڭىزدى قۇجاتتاردىڭ قولدانۋ ەرەكشەلىكتەرى بەلگىلەنۋى مۇمكىن. ولار: سالىق, بانكتىك, بيۋدجەتتىك, كەدەندىك, ەڭبەك, مونوپولياعا قارسى زاڭدار, سونداي-اق حالىقتىن دەنساۋلىعىن ساقتاۋ تۋرالى جانە دەنساۋلىق ساقتاۋ جۇيەسى تۋرالى زاڭنامالار, مەملەكەتتىك ساتىپ الۋ تۋرالى, ۆاليۋتالىق رەتتەۋ تۋرالى زاڭنامالار, ازاماتتاردى الەۋمەتتىك قورعاۋ, مەملەكەتتىك مەنشىك سالالارى جانە ت.ب.
سونىمەن قاتار, ا.شايموۆانىڭ ايتۋىنشا, توتەنشە جاعداي كەزىندە جۇمىس جاعدايىنداعى قالىپتاسقان تاجىريبەنى ەسكەرە وتىرىپ, ۇكىمەت قوسىمشا زاڭنامالىق شارالار پاكەتىن ەنگىزەدى. قاراۋعا كەلىپ تۇسكەن زاڭ جوباسىندا «توتەنشە جاعداي تۋرالى» جانە «نورماتيۆتىك قۇقىقتىق اكتىلەر تۋرالى» زاڭدارعا توتەنشە جاعداي ەنگىزۋ كەزىندە قولدانىلاتىن نەگىزگى شارالار مەن ۋاقىتشا شەكتەۋلەرمەن بايلانىستى تولىقتىرۋلار بولىگىندە تۇزەتۋلەر ۇسىنىلىپ وتىر.
زاڭ جوباسىن تالقىلاۋ ودان ءارى ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ باستاعان جۇمىس توبىندا جالعاسۋدا.
