ۇلتتىق ەكونوميكا ءمينيسترى ر. دالەنوۆ جۇيە قۇرۋشى كاسىپورىنداردىڭ ءتيىستى ءتىزىلىمىنىڭ جوباسىن تانىستىردى.
تىزىمگە قۇرىلىس, كولىك, ەنەرگەتيكا, ساۋدا, جىلجىمايتىن م ۇلىكتى جالعا الۋ, تاۋ-كەن ءوندىرىسى جانە وڭدەۋ ونەركاسىبى سالالارىنداعى 361 كاسىپورىن ەندى.
مەملەكەتتىك قولداۋ شارالارى رەتىندە نەسيەلەر بويىنشا مەملەكەتتىك كەپىلدىكتەردى ۇسىنۋ, جەڭىلدىكتى وتىمدىلىككە قول جەتكىزۋ, سالىق تولەۋدى كەيىنگە قالدىرۋ, ققس قايتارۋ پروتسەسىن جەڭىلدەتۋ ءارى جەدەلدەتۋ, بارلىق رۇقسات بەرۋ قۇجاتتارى مەن مەملەكەتتىك قىزمەتتەردى ۇسىنۋدى جەدەلدەتۋ قاراستىرىلادى.
جۇيە قۇرۋشى كاسىپورىنداردىڭ ىڭعايلاسپا مىندەتتەرى جالاقى تولەنەتىن جۇمىس ورىندارىن ساقتاۋ, وتاندىق وندىرۋشىلەردىڭ تاۋارلارى مەن كورسەتىلەتىن قىزمەتتەرىن ساتىپ الۋ (بولعان جاعدايدا), قولدانىستاعى كەلىسىمشارتتار اياسىندا ۋاقىتىلى تولەمدەردى قامتاماسىز ەتۋ, اقپاراتتى اشۋ, 2019-2020 جىلدار ءۇشىن توپ-مەنەدجمەنتكە ديۆيدەندتىك تولەمدەر مەن بونۋستاردى الىپ تاستاۋ بولادى.
سونىمەن قاتار, وتىرىسقا قاتىسۋشىلار سالىق جەڭىلدىكتەرىن, ارتىقشىلىقتارىن جانە ازاماتتىق اۆياتسيا سۋبەكتىلەرىن مەملەكەتتىك قولداۋدىڭ باسقا دا شارالارىن, اۋىل شارۋاشىلىعى مەن ماشينا جاساۋ سالالارىنداعى ءىرى كاسىپورىنداردىڭ وپەراتسيالىق قىزمەتىنىڭ قازىرگى ماسەلەلەرىن جانە ت. ب. قاراستىردى.
