ول ءۇشىن اكە-اتالارىڭىزدىڭ, جاقىندارىڭىزدىڭ ءفاشيزمدى جويۋعا قوسقان ۇلەسىن اڭگىمەلەپ نەمەسە مايداننان جىبەرگەن حاتتارىن وقىپ, بەينەروليك تۇسىرەسىز.
اكتسيانى وبلىس اكىمى گۇلشارا ابدىقالىقوۆا باستادى.
«بيىل ءبىز جەڭىستىڭ 75 جىلدىعىن كارانتين جاعدايىندا قارسى الامىز. بىراق, بۇل ەڭ سۇراپىل سوعىستى جەڭىسپەن اياقتاعان جاۋىنگەرلەرگە قۇرمەت كورسەتپەۋ دەگەن ماعىنانى بىلدىرمەيدى.
1941 جىلدىڭ جاز ايى. بۇل مەزگىل مەكتەپ ءبىتىرىپ, ءبىلىم ۇياسىنان ەندى عانا تۇلەپ ۇشقان اكەم ناۋشا ابدىقالىقوۆ ءۇشىن ەڭ قاسىرەتتى كەزەڭدەردىڭ ءبىرى بولدى. ول 1942 جىلدىڭ ناۋرىزىندا, سوعىستىڭ ناعىز قىزعان شاعىندا قىزىل اسكەر قاتارىنا قوسىلدى. جاۋىنگەرلىك جولىن گۆارديالىق 279-شى اتقىشتار پولكىندە باستاپ, سمولەنسكىدەن كيونيگسبەرگكە دەيىنگى سۇراپىل سوقپاقتى ءجۇرىپ ءوتتى. جاۋعا قارسى توپ باستاپ, قانشاما قالا, ەلدى مەكەندى ازات ەتۋگە اتسالىسقانى ءۇشىن «قىزىل جۇلدىز» وردەنىنە يە بولدى. اكەلەردىڭ ەل ءۇشىن جاساعان ەرلىگى – ءبىز ءۇشىن ۇلگى. ەشكىم دە, ەشتەڭە دە ۇمىتىلماق ەمەس!, – دەدى گۇلشارا ناۋشاقىزى ءوز ءوز پاراقشاسىندا جاريالانعان بەينەجازبادا.
