قازىر, قۇدايعا شۇكىر, ۆەلوسيپەدكە قول جەتكىزۋ ورىندالمايتىن ارمان ەمەس, جاقسى وقىعان, ءتىل الاتىن بالاسىنا اقشاسى بولسا اكەسى ونى كەز كەلگەن ۋاقىتتا وپ-وڭاي ساتىپ اپەرە الادى. بىراق ونى ۇرلاتىپ العان بالانىڭ جۇرەگىندە ءبارىبىر قاسىرەت قالارى ءسوزسىز.
بيىل جىل باسىنان بەرى سولتۇستىك قازاقستان وبلىسىنىڭ پوليتسياسىنا 19 ۆەلوسيپەدتىڭ ۇرلانعانى تۋرالى شاعىم تۇسكەن. سونىڭ 13-ءىن پوليتسيا اشىپ, ۆەلوسيپەدتىڭ ءوزىن نەمەسە كەيبىر قوسالقى بولشەكتەرىن ساتقاننان كەيىنگى قاڭقاسىن يەلەرىنە قايتاردى. پوليتسيانىڭ ايتۋىنا قاراعاندا وڭاي ولجا ىزدەگەن قاسكۇنەمدەر, ءبىر جۇتىم اششى سۋعا ارىن ساتاتىن, ادامدىقتان ازعان ماسكۇنەمدەر وسىنداي جەڭىل «ۇرلىقتى» كاسىپ قىلادى ەكەن. وڭاي قىرقۋعا بولاتىن جىڭىشكە تروستارمەن ماتالعان نەمەسە قاراپايىم ق ۇلىپتار سالىنىپ, قاراۋسىز تۇرعان ۆەلوسيپەدتەردى وندايلار وڭاي ولجا قىلاتىن كورىنەدى. «ۆەلوسيپەدتى پاتەرگە نەمەسە جەرتولەگە قويعان دۇرىس. قاجەت بولعان جاعدايدا ونى بەينەباقىلاۋ كامەرالارىنىڭ كورۋ ايماعىنا قالدىرىپ, قالىڭ تروسپەن ماتاۋ قاجەت. ەگەر ۆەلوسيپەدتىڭ ورىندىعى الىناتىن بولسا, اعىتىپ العان ءجون, بۇل «وڭاي ولجا» ىزدەگەن ۇرىلاردىڭ جولاماۋىنا بىردەن ءبىر سەبەپ بولادى», دەيدى كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى پيوتر كليموۆ.
ۇرلىقتىڭ مىسالى رەتىندە ول جۋىردا عانا 31 جاسار پەتروپاۆلدىقتىڭ باستان كەشكەن وقيعاسىن ايتتى. ينتەرناتسيونال كوشەسىندەگى ءۇيىنىڭ ماڭىنداعى ازىق-ت ۇلىك دۇكەنىنە كىرگەن ول «MSEP» ماركالى قىمبات ۆەلوسيپەدىن تروسپەن اعاشقا بايلاپ قويعان. دۇكەندە 5-10 مينۋت بولىپ, سىرتقا شىققاندا تروستىڭ كەسىلىپ, كولىگىنىڭ قولدى بولعانىن كورەدى. كەلتىرىلگەن شىعىن 48 مىڭ تەڭگەنى قۇراعان. ەكى اپتا وتكەننەن كەيىن «يشيم» كوشەسىنىڭ بويىنداعى جەكە مەنشىك ءۇيدىڭ سارايىنىڭ قۇلپى بۇزىلىپ, سول مودەلدەگى ۆەلوسيپەد ۇرلانعان.
بۇل جولى جەدەل-ىزدەستىرۋ ءىس-شاراسى پوليتسەيلەرگە كۇدىكتىنىڭ سوڭىنا ءىزىن سۋىتپاي تۇسۋگە مۇمكىندىك بەردى. ول بۇرىن م ۇلىكتىك قىلمىستار جاساعانى ءۇشىن بىرنەشە رەت سوتتالعان 1981 جىلى تۋعان وبلىس ورتالىعىنىڭ تۇرعىنى بولىپ شىقتى. تەرگەۋ بارىسىندا ول بۇرىن جاساعان ۇرلىعىن دا مويىنداعان. قازىر ونىڭ ۇستىنەن قىلمىستىق كودەكستىڭ سوتقا دەيىنگى تەرگەپ-تەكسەرۋلەرى ءجۇرىپ جاتىر. ەكى جاعدايدا دا ۇرلانعان ۆەلوسيپەدتەر العاش كەزدەسكەن ادامدارعا 10 جانە 11 مىڭ تەڭگەگە ساتىلىپ كەتكەن. قازىرگى ۋاقىتتا ۇرلانعان م ۇلىكتەر تابىلدى جانە قاجەتتى تەرگەۋ پروتسەدۋرالارى اياقتالعاننان كەيىن يەلەرىنە قايتارىلادى.
پەتروپاۆل
