«بۇگىنگى تاڭدا بوزوق, سارايشىق, ساۋران جانە وتىرار قالاشىقتارى, سونداي-اق بەرەل جانە ەسىك قورعاندارى سياقتى تاريحي-مادەني مۇرا وبەكتىلەرى, مۋزەيلەر مەن مۋزەي-قورىقتار قازاقستاندىقتارعا وزدەرىنىڭ سايتتارىندا 3D فورماتتاعى ەكسكۋرسيا, ونلاين-سەرۋەن رەجيمى, سونداي-اق بەينەروليكتەر, بەينە ەكسكۋرسيالار, ونلاين دارىستەر, بەينە ساباقتار جانە تاعى باسقا ءىس-شارالار ارقىلى ءوز جەرلەرىن كورسەتۋ مۇمكىندىگىن ۇسىندى. ماسەلەن, مۋزەي-قورىقتار قىسقا ۋاقىت ارالىعىندا 100 مىڭنان استام ادامدى قامتيتىن 150-دەن استام ونلاين-شارا وتكىزدى», دەدى اقتوتى رايىمقۇلوۆا.
وسى رەتتە ول ءا. قاستەەۆ اتىنداعى مەملەكەتتىك ونەر گالەرەياسى ازىرلەگەن ەستۋ قابىلەتى بۇزىلعان ازاماتتارعا ارنالعان ارنايى بەينە-ەكسكۋرسيالاردى اتاپ ءوتتى. بۇل شارا ارقىلى ەلىمىزدەگى 18 مىڭنان استام ەستۋ قابىلەتى بۇزىلعان ادام بەينە-ەكسكۋرسيالاردى تاماشالاعان.
