«مادەنيەت جانە ونەر سالاسىنىڭ قىزمەتكەرلەرى بەلسەندى قاتىسىپ جاتقان مۋزىكالىق چەللەندجدەر جالعاسۋدا. مىسالى «بىرىڭعاي الەم» جوباسى قازاقستان جانە رەسەي ارتىستەرىنىڭ قاتىسۋىمەن ءتۇسىرىلىپ كورەرمەندەرگە ۇسىنىلدى. سونىمەن قاتار «تۇران» فولكلورلىق-ەتنوگرافيالىق توبى 15 مەملەكەتتىڭ مۋزىكانتتارىمەن بىرىگىپ جوبا جاساۋدا. بۇكىل الەمدە ىندەتپەن كۇرەستە دارىگەرلەرگە قولداۋ كورسەتۋ ماقساتىندا بىرنەشە جوبالار جۇزەگە اسىرىلۋدا», دەدى اقتوتى رايىمقۇلوۆا.
وسى رەتتە مينيستر ديماش قۇدايبەرگەن مەن مايرا مۇحامەتقىزىنىڭ دارىگەرلەرگە ارناپ شىعارعان اندەرىن اتاپ ءوتتى.
«قازاقستاندىق بەلگىلى ءانشى ديماش قۇدايبەرگەن جاڭا كومپوزيتسياسىن دارىگەرلەرگە ارنادى. سونداي-اق استانا وپەرا تەاترىنىڭ جەتەكشى ءسوليستى مايرا مۇحامەتقىزى الەم دارىگەرلەرىنە كلاسسيكالىق ءان ارناپ, بۇكىل الەمگە وسى كلاسسيكالىق كليپ تارالىپ كەتتى», دەدى ول.
سونداي-اق ول الەۋمەتتىك جەلىلەردە كەڭىنەن تارالعان چەللەندجدەردى ءسوز ەتتى.
«سيمفونيالىق جانە حالىق اسپاپتار وركەسترلەرى, تەاتر ۇجىمدارى, ونەر وقۋ ورىندارىنىڭ وقۋشىلارى, سپورت مايتالماندارى ء«بىز بىرگەمىز», «بىرگە ەڭسەرەمىز» اتتى چەللەندجدەرىن بۇگىندە جالعاستىرۋدا. تانىمال ارتىستەر ورىنداعان ءار ءتۇرلى روليكتەر, سونىڭ ىشىندە «كارانتين» اتتى ىرعاقتى ءاننىڭ كليپى دە وسى كۇنى تانىمالدىققا يە بولىپ كەلەدى», دەدى مينيستر.
