– جاڭادان تىركەلگەندەردىڭ ۇشەۋى قىزىلوردا قالاسىنان, بىرەۋى شيەلى اۋدانىنىڭ بالا بي اۋىلىنان. قىزىلوردا قالاسىنان تىركەلگەن 2 تۇرعىن كارانتيندىك باقىلاۋعا الىنعانداردىڭ اراسىنان انىقتالدى. شيەلى اۋدانىنداعى ناۋقاس تا بۇرىن ىندەت جۇقتىرعان اداممەن بايلانىستا بولىپ, باقىلاۋعا الىنعان, – دەدى جاقسىلىق ابدىسامەتوۆ.
باس دارىگەر وتكەن تاۋلىكتە وبلىسىمىزدا كوروناۆيرۋستىق ينفەكتسياعا بايلانىستى 1143 تەست سىناماسى الىنعانىن اتاپ ءوتتى. ونىڭ 512-ءسى تەرىس ءماندى بولىپ شىقسا, 629-ى ءالى تەكسەرىلۋ ۇستىندە.
جاقسىلىق ابىلقاسىم ۇلى وڭىردە وسى ۋاقىتقا دەيىن 2484 مەديتسينا قىزمەتكەرىنەن كوروناۆيرۋستىق ينفەكتسياعا سىناما تەست الىنعانىن مالىمدەدى. ونىڭ 19-نان عانا قاۋىپتى ىندەت انىقتالعان.
ال كەشە 16 ادام اۋرۋىنان ايىعىپ, ۇيلەرىنە قايتتى. جالپى وسى ۋاقىتقا دەيىن جازىلىپ شاققاندار سانى 45-كە جەتتى.
