بۇگىندە كوپتەگەن جوو-دا زاماناۋي اقپاراتتىق تەحنولوگيالار مەن تەلەكوممۋنيكاتسيالىق جۇيەلەر نەگىزىندە قاشىقتان وقىتۋدىڭ ەلەمەنتتەرى ەنگىزىلگەن. وسىعان بايلانىستى ەلىمىزدەگى الدىڭعى قاتارلى جوعارى وقۋ ورىندارىنىڭ بىلىكتى وقىتۋشى ماماندارىمەن تىلدەسۋدىڭ ءساتى ءتۇستى.
«جوو-لاردىڭ قاشىقتان وقىتۋ جۇيەسىندەگى ەڭ باستى نىسان – ۇزدىكسىز ءبىلىم بەرۋ, – دەيدى نازارباەۆ ۋنيۆەرسيتەتى قازاق ءتىلى مەن تۇركىتانۋ دەپارتامەنتىنىڭ پروفەسسورى, پەداگوگيكا عىلىمدارىنىڭ كانديداتى زەينەپ ناياتۋللاقىزى. – وسىعان سايكەس ۋنيۆەرسيتەتىمىزگە قاشىقتان وقىتۋ تەحنولوگياسى ەشقانداي قيىندىق تۋعىزىپ جاتقان جوق دەسەك تە بولادى. سەبەبى ونلاين ءبىلىم بەرۋ پروتسەسى ءبىرتالاي جىلدان بەرى قولدانىستا بار. ماسەلەن, ۋنيۆەرسيتەتىمىز Moodle جۇيەسىمەن جۇمىس ىستەپ كەلەدى. ول الەمنىڭ 200-دەي ەلىنىڭ ەڭ ءىرى جوعارى وقۋ ورىندارىندا قاشىقتان وقىتۋ جۇيەسى رەتىندە قولدانىلادى. قازىرگى ۋاقىتتا ونلاين وقىتۋعا ارنالعان قۇرالداردىڭ ءتۇرى وتە كوپ. 2015-2016 جىلدار ارالىعىندا اقش-تىڭ ۆيسكونسين شتاتىنداعى ۆيسكونسين-ماديسون ۋنيۆەرسيتەتىندە تاعىلىمدامادان ءوتتىم. ءبىلىم الا ءجۇرىپ, ونلاين وقىتۋ جۇيەسىنە قاتىستى كوپتەگەن اقپاراتتىق تەحنولوگيانى مەڭگەردىك. سولاردىڭ قاتارىنداعى Socrative, Playposit, Peergrade, Edpuzzle, Thinglink, Quizlet, Infographic, Mentimeter, Classroom, Slideshare, Pictochart, Smatrup جانە Flipped Learning and Blended Learning سياقتى ونلاين وقىتۋ باعدارلامالارىمەن ۋنيۆەرسيتەتىمىز ستۋدەنتتەرگە اقپاراتتى تاسىمالداۋدىڭ تيىمدىلىگىن ارتتىرۋدا. سونداي-اق Blended Learning وقىتۋ جۇيەسى بويىنشا بۇعان دەيىن ساباقتىڭ 60%-ى ءدارىسحانادا وتكىزىلسە, قازىرگى تاڭدا 40%-ى ونلاين تۇرىندە وقىتىلىپ جاتىر. ماسەلەن, 2018 جىلدان باستاپ نازارباەۆ ۋنيۆەرسيتەتىندە قازاق ءتىلى جانە تۇركىتانۋ دەپارتامەنتىنىڭ ۇيىمداستىرۋىمەن «STEAM جۇيەسى بويىنشا ءتىل وقىتۋ: تەحنولوگيالار مەن داعدىلار» اتتى شەتەلدىك جانە وتاندىق تاجىريبەلەرگە نەگىزدەلگەن ادىستەمەلىك سەمينار-ترەنينگ جۇرگىزۋدى باستادىق. اتالعان سەميناردىڭ باستى ماقساتى – قازاقستاننىڭ بارلىق وقۋ ورنىنىڭ وقىتۋشىلارىنا زاماناۋي جاڭا پەداگوگيكالىق تەحنولوگيالار مەن ونلاين وقىتۋ تەحنولوگيالارىن ءبىلىم بەرۋ ۇدەرىسىندە ءتيىمدى پايدالانۋدى مەڭگەرتۋ. سەمينارعا قازاقستاننىڭ كوپتەگەن ءوڭىرىنىڭ جوو جانە ورتا ءبىلىم بەرۋ ورىندارىنىڭ 80-نەن استام وقىتۋشىسى قاتىستى. وتاندىق وقۋ ورىندارىزعا ونلاين وقىتۋدىڭ ادىستەمەسىمەن بولىسۋگە قاشاندا ءازىرمىز, قانداي جاعدايدا دا ء«بىز بىرگەمىز!» دەپ ايتا الامىز».
ال قازاق ۇلتتىق قىزدار پەداگوگيكالىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ كانديداتى بولاتحان سەرعازى ۇلى: «ستۋدەنتتەرمەن ءارتۇرلى پلاتفورمامەن جۇمىس ىستەپ كەلەمىز. قاي پلاتفورمانىڭ ءتيىمدى, وزدەرىنە ىڭعايلى جاقتارىن تاڭداۋعا ىقپالداسۋدامىز. ولار «كەلەسى جولى «drive.google.com نەمەسە Zoom باعدارلاماسىمەن ساباق وتسەك» دەگەن ۇسىنىستارىن ايتىپ جاتادى. ەندى مىنە, قاشىقتان وقىتۋ جۇيەسىنىڭ تالابى دا كۇشەيتىلدى. 43 ماماندىق بويىنشا پەداگوگيكالىق ماماندار دايارلايتىن ۋنيۆەرسيتەتىمىز دە قاشىقتان وقىتۋ جۇيەسىنە اۋىسىپ, ءتۇرلى باعدارلاما ارقىلى دارىستەرىن ونلاين تۇردە جالعاستىرىپ كەلەدى. ماقسات – گيپەرماتىن, مۋلتيمەديا, گيس-تەحنولوگياسىن جانە تاعى باسقا پلاتفورمالاردى قولدانا وتىرىپ, دارىستەردى مازمۇندى تۇردە جەتكىزۋ», دەيدى.
ال ەۋرازيا گۋمانيتارلىق ينستيتۋتى قازاق جانە ورىس فيلولوگياسى كافەدراسىنىڭ مەڭگەرۋشىسى, فيلولوگيا عىلىمدارىنىڭ كانديداتى, دوتسەنت لاۋرا نوعايبەكقىزىنىڭ ايتۋىنا قاراعاندا, ونلاين وقىتۋ جۇيەسى ءالى ءبىر ىزگە تۇسپەپتى. «بيىلعى وقۋ جىلىنان باستاپ, سىرتتاي وقۋ جۇيەسى قاشىقتان وقىتۋ جۇيەسىنە اۋىستىرىلدى. ونلاين وقىتۋ جۇيەسى قازىر ءبىر ىزگە ءتۇستى دەپ ايتا المايمىن. ءار وقۋ ورنىنىڭ اقىلداسا وتىرىپ تاڭداعان باعدارلامالارى بار. ءبىزدىڭ ينستيتۋت Aيس «PLATONUS» بويىنشا جۇمىس ىستەيدى. OES-Webinar پلاتفورماسىن, ZOOM, SKYPE باعدارلامالارىن ونلاين-ءدارىس, سەمينار وتكىزۋدە ءجيى قولدانادى. ينستيتۋتىمىز OPENU.KZ سايتىندا ورنالاسقان «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا جوعارى وقۋ ورىندارى مەن ماماندارى بىرلەسە ازىرلەگەن ونلاين-كۋرستاردىڭ ۇتىمدىلىعىن ستۋدەنتتەرگە جەدەل تاسىمالداۋدى قامتاماسىز ەتىپ جاتىر. جالپى, تاڭداعان باعدارلامالارىمىزدى ساتىپ الۋ, ورناتۋ, باسقا دا ماسەلەلەردى ينستيتۋت باسشىلىعى دەر كەزىندە شەشىپ وتىرادى. ال ەمتيحان ءوز ۋاقىتىندا وتەدى دەگەن ويدامىن. قازىر ونلاين تۇردە ەمتيحانعا دايىندىق جۇمىستارىن باستاپ كەتتىك. ينستيتۋتتا ستۋدەنتتەر ءۇشىن Call-ورتالىق جۇمىس ىستەيدى. ستۋدەنتتەر ەمتيحان, باسقا دا ماسەلەلەر بويىنشا كەز كەلگەن ۋاقىتتا حابارلاسىپ جاعدايدى بىلە الادى», دەيدى ول.
ايىم بولاتقىزى
