ءباسپاسوز تۋرى اياسىندا باق وكىلدەرى توتەنشە جاعداي كەزىندە قالا اۋماعىندا جانە كىرەبەرىستەرىندە قويىلعان بلوك-بەكەتتەردىڭ جۇمىسىمەن تانىستى. سونداي-اق كارانتين رەجيمىنە بايلانىستى قابىلدانعان شارالاردىڭ بارلىق تۋىنداعان ماسەلەلەرى بويىنشا قوسىمشا تۇسىندىرمە بەرىلدى.
شىمكەنت قالاسى اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ شارالارىن ىسكە اسىرۋ ماقساتىندا شىمكەنت قالاسى پد-نىڭ 1206 قىزمەتكەرى جۇمىلدىرىلعان.
شىمكەنت قالاسىنىڭ كىرەبەرىستەرىندە 18 بلوك-بەكەت جۇمىس اتقارۋدا. ال قالا كوشەلەرىنىڭ قيىلىستارىندا 20 بەكەت قويىلعان.
توتەنشە جاعداي رەجيمىن بۇزعانى ءۇشىن قر اقبتك-ءنىڭ 476-بابى بويىنشا 842 حاتتاما تولتىرىلعان. ونىڭ ىشىندە 308 جايت بويىنشا اكىمشىلىك سوتپەن قاۋلى شىعارىلىپ (61 ادام اكىمشىلىك قاماۋعا الىندى, 120تۇلعالارعا ايىپپۇل سالىندى, 127 تۇلعا ەسكەرتۋ الدى), قالعان ىستەر قارالۋ ساتىسىندا.
شىمكەنت
