وسى مەكتەپتە وقۋشىنىڭ اناسى باعىمكۇل مۇراتبايقىزى كىتاپتىڭ بالانىڭ تۇلعالىق قاسيەتتەرىن دامىتۋداعى ماڭىزى ەرەك ەكەندىگىن ايتادى.
ءوزىم بالا كەزدەن باستاپ كىتاپ وقۋعا اۋەس بولدىم. قازاق اقىندارىنىڭ ءبىرازىن وقىدىم. جۇبان مولداعاليەۆتىڭ شىعارمالارىنا قۇرمەتىم ەرەكشە, – دەگەن ول اقىننىڭ 100 جىلدىعىنا وراي شىعارماشىلىعىن ناسيحاتتاۋدىڭ باستاماسى رەتىندە ولەڭدەرىن وقىدى.
زاماناۋي تەحنولوگيالار قارىشتاپ دامىعان قازىرگى زاماندا دا كىتاپ رۋحاني بايلىقتىڭ ولشەمى بولىپ قالا بەرەتىنى انىق. مەكتەپتىڭ 10-سىنىپ وقۋشىسى نۇراي ومىرزاقوۆا ءۇشىن «دۇنيەجۇزىلىك كىتاپ كۇنى» ەرەكشە مەيرام بولىپ سانالادى. اباي ولەڭدەرىن 10 جاسىندا وقي باستاعان جاس زياتكەر بۇگىندە ۇلى اقىننىڭ 200-دەن استام شىعارماسىن جاتقا بىلەدى.
– ءبىردا انام مۇحتار اۋەزوۆتىڭ «اباي جولى» رومان-ەپوپەياسىن وقۋعا كەڭەس بەردى. سوڭىنا دەيىن باس الماي وقىپ شىقتىم. وندا ايتىلعان ورىنداردى, تاريحي قونىستاردى كوزىممەن كورۋگە تالپىندىم. وسىدان دا بەسىنشى سىنىپ وقىپ جۇرگەندە «اباي وقۋلارى» بايقاۋىنا قاتىسۋ ءۇشىن ولەڭدەرىن جاتتادىم. ءسويتىپ اۋداندىق جانە وبلىستىق بايقاۋدا جەڭىمپاز اتانىپ, ابايدىڭ دۇنيەگە كەلگەن توپىراعى سەمەيگە بارۋعا مۇمكىندىك الدىم, - دەيدى جاس دارىن.
«كىتاپ كۇنىن» زياتكەرلىك مەكتەپ وقۋشىلارى جىل سايىن ء«تاتتى كىتاپتار» فەستيۆالى, ءبىر-بىرىنە كىتاپ سىيلاۋ ءداستۇرى قالىپتاسقان «كىتاپ الەمدى باعىندىرادى» اكتسياسى مەن اۋىل مەكتەپتەرىنىڭ كىتاپحانالارىنا جاڭا ادەبيەتتەرمەن قامتاماسىز ەتۋ «Bookcrosing» شاراسى سەكىلدى قىزىقتى جوبالارمەن اتاپ وتەدى.
