جالپى ەۋروپادا ستاديونىڭ اتىن دەمەۋشى كومپانياعا ساتۋ بۇگىندە جاڭالىق ەمەس. سەبەبى, «ارسەنال», «مانچەستەر سيتي», «باۆاريا» سەكىلدى كلۋبتاردىڭ ستاديونى دەمەۋشى ۇيىمنىڭ اتىنا ساتىلعان جانە قازىر سول كومپانيانىڭ اتىمەن اتالادى.
وسىدان بىرنەشە جىل بۇرىن Fly Emirates كومپانياسى ءمادريدتىڭ «رەال» كلۋبى ستاديونىنىڭ اتىن ساتىپ الۋ ءۇشىن 300 ميلليون ەۋرو ۇسىنعانى ەسىمىزدە. بىراق مادريد كلۋبى بۇل ۇسىنىستان باس تارتىپ, كوماندانىڭ اڭىز فۋتبولشىسى سانتياگو بەرنابەۋدىڭ قۇرمەتىنە بەرىلگەن اتتى وزگەرتپەيتىنىن مالىمدەگەن ەدى.
دەسە دە «بارسەلونا» ستاديوننىڭ اتىن ءبىر جىلعا ساتۋ ارقىلى شاشامەن 25-30 ميلليون ەۋرو قارجى تابۋى مۇمكىن. ەگەر قايىرىمدىلىق قورى «كامپ نوۋ» اتىن ساتىپ الۋ ارقىلى ءوز اتىن شىعارعىسى كەلسە, سوما بۇدان دا جوعارى بولۋى عاجاپ ەمەس.
ايتا كەتەيىك, «بارسەلونا» كلۋبى تاريحىندا ستاديون اتاۋى ەشقاشان دەمەۋشى كومپانيانىڭ اتىنا ساتىلماعان. ياعني ستاديون سالىنعان 1957 جىلدان بەرى «كامپ نوۋ» دەپ اتالىپ كەلەدى. ستاديونعا ءبىر مەزەتتە 99 354 جانكۇيەر سىيادى.
