ينفەكتسيامەن كۇرەسىپ جاتقان ءۇش دارىگەر, ءتورت مەدبيكە, بەس سانيتار ايرىقشا جاعدايدا قورعالعان. اۋىسىمنان شىققان بريگادا مۇشەلەرى تەگىس دەزينفەكتسيالانىپ, ەشكىممەن بايلانىسقا تۇسپەي وزدەرى عانا تۇراتىن «التىن وردا» قوناقۇيىنە ارناۋلى كولىكپەن جەتكىزىلەدى. وسى جەردە اس-اۋقاتى دا سىرتتان بەرىلىپ, ەشكىممەن ارالاستىرىلمايدى. بەلسەندى قوعامدىق ۇيىمدار ولارعا ءبىر رەتتىك كيىم, تاعى ءبىرى بارىنشا ءدامدى تاعام دايىنداپ بەرۋدى مويىندارىنا العان. ءۇي-ءىشى, بالا-شاعالارىمەن تەك تەلەفون ارقىلى حابارلاسادى. كەيبىر وبلىستاردا قوسىمشا اقى تولەۋ تۋرالى شەشىمنىڭ ەندى عانا قابىلدانىپ جاتقانىن ەستيمىز. ال ءبىزدىڭ دارىگەرلەر ناۋرىز ايىنداعى قوسىمشا اقى – 825 مىڭ تەڭگەنى تەگىس العان. ارينە, ىنتالاندىرۋدىڭ ەڭ زورى وسى ەكەنى ءسوزسىز.
قالا كوشەلەرىنە شىقساڭىز جۇرگىنشى مۇلدە از. انا جەر, مىنا جەردە قاراڭ-قۇراڭ ادامداردى كەزدەستىرەسىز. وبلىس باسشىلىعى ەفيرگە ءجيى شىعىپ, تۇرعىندارعا كارانتين تالابىن ساقتاۋدى ايتىپ وتىرادى.
كوشەلەردى كاماز-دار جارىسا دەزينفەكتسيالاپ ءجۇر. قالاي دەسەك تە كارانتيننىڭ تالاپتارى قاتاڭ ساقتالعان. جوعارىداعى جەتىستىك وسىنداي ءجىتى ىستەردىڭ ناتيجەسى. اللا دا «ساقتانساڭ – ساقتايمىن» دەگەن عوي. كارانتيننىڭ تالابىن «ۇزىن ارقان, كەڭ تۇساۋعا» سالماي, تىم بولماسا وسى سىناق كۇندەرى قاتاڭ ساقتايتىن بولساق, ىندەتتى جەڭەمىز.
سولتۇستىك قازاقستان وبلىسى
