كوپ جىل بويى كەزەكتە تۇرعان تۇرعىندارعا بەرىلگەن پاتەر كىلتتەرىن تاپسىرۋ سالتاناتىنا وبلىس اكىمى بەردىبەك ساپارباەۆ قاتىستى.
«تۇرعىنداردىڭ تۇرعىن ءۇي ماسەلەسىن شەشۋ ءۇشىن مەملەكەت ءتۇرلى باعدارلامالار قابىلدادى. وتكەن جىلى تارازدا ەكى مىڭعا جۋىق پاتەر بەرىلسە, بۇگىن دە سول يگى ءداستۇر ءوز جالعاسىن تابۋدا. بارشاڭىزدى جاڭا قونىستارىڭىزبەن قۇتتىقتايمىن, مىقتى دەنساۋلىق, ۇزاق ءومىر تىلەيمىن», دەدى اكىم.
بۇل – كوپ بالالى جانە از قامتىلعان وتباسىلارعا مەملەكەت تاراپىنان كورسەتىلىپ وتىرعان ۇلكەن قولداۋ. كوكتەمنىڭ العاشقى كۇندەرىندە قونىس تويىن تويلاعان كوپ بالالى انالار كورسەتىلىپ وتىرعان كومەك ءۇشىن العىس ايتتى. ء«بىز 10 جىل بويى پاتەر جالداپ, ارى-بەرى كوشۋمەن بولدىق. ەندى كوپتەن كۇتكەن ەكى بولمەلى پاتەرگە قول جەتكىزىپ وتىرمىز. قۋانىشىمدى سوزبەن ايتىپ جەتكىزە المايمىن. بۇل ءۇشىن مەملەكەتكە العىس ايتامىن», دەيدى جانسايا ءابدىرايىموۆا. سونداي-اق قونىس تويىن تويلاپ وتىرعان التى بالانىڭ اناسى عاليا شەگەەۆا دا ءوزىنىڭ العىسىن ءبىلدىردى.
اۋليەاتا وڭىرىندە بۇل جارقىن جوبا ءارى قاراي جالعاسا بەرەدى. تاراز قالاسى اكىمدىگىنىڭ مالىمەتىنشە, «نۇرلى جەر» باعدارلاماسى اياسىندا بيىل 29 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. تاعى 2025 جىلعا دەيىن جاڭا تۇرعىن ءۇي الابىندا بارلىعى 181 كوپپاتەرلى جانە 255 جەكە تۇرعىن ءۇي سالۋ جوسپارلانۋدا. ال «باقىتتى وتباسى» باعدارلاماسى اياسىندا وتكەن جىلى وبلىس بويىنشا 323 پاتەر بەرىلگەن بولاتىن. سونىمەن قاتار «قاراسۋ» شاعىن اۋدانىندا كوپ بالالى وتباسىلارعا ارنالعان 4 كوپقاباتتى الەۋمەتتىك جاتاقحانا سالىندى. ەندى «اراي» شاعىن اۋدانىندا تاعى سونداي 4 جاتاقحانانىڭ قۇرىلىسى جۇرگىزىلۋدە. قازىرگى ۋاقىتتا تۇرعىن ءۇي كەزەگىندە شامامەن 19 مىڭ ادام تۇرعان بولسا, ونىڭ 2 مىڭعا جۋىعى كوپ بالالى وتباسى. الداعى ۋاقىتتا كەزەكتە تۇرعان تۇرعىندار دا باسپانامەن قامتىلاتىن بولادى.
جامبىل وبلىسى
