اتىراۋ وبلىسى ىشكى ساياسات باسقارماسى ازاماتتىق ورتالىق كمم-ءنىڭ جانىنان قۇرىلعان ۆولونتەرلەر شتابى بىرنەشە باعىت بويىنشا قىزمەت اتقارادى.
كەز كەلگەن اتىراۋلىق ەرىكتىلەردىڭ قاتارىنا قوسىلىپ, تومەندە كورسەتىلگەن التى باعىت بويىنشا جۇمىس ىستەي الادى: اۆتو-ۆولونتەرلەر (تۇرعىندارعا ازىق-ت ۇلىك, ءدارى-دارمەك تاراتۋعا كومەك); مەديتسينا ۆولونتەرلەرى (جەدەل-جاردەم قىزمەتكەرلەرىنە كومەك); مونيتورينگ جۇرگىزەتىن ۆولونتەرلەر (ازىق-ت ۇلىك باعالارىنا مونيتورينگ جاساۋعا كومەك); رەيدكە شىعاتىن ۆولونتەرلەر (پوليتسيا قىزمەتكەرلەرىنە كومەك); ۆولونتەر تىگىنشىلەر (بىرنەشە مارتە پايدالانۋعا بولاتىن ماسكالاردى تىگۋگە كومەك); كۋلينار-ۆولونتەرلەر (بەكەتتەگى قىزمەتكەرلەرگە جانە مەدبيكەلەر مەن دارىگەرلەرگە ىستىق بولكەلەر جەتكىزۋگە كومەك).
ۆولونتەرلەر شتابى ەستافەتا باستاپ, ون كۇنگە جۋىق ۋاقىتتا 2 ملن تەڭگەدەن استام قاراجات جينادى. ەستافەتاعا رەسپۋبليكامىزدىڭ بارلىق ايماقتارىنان اتسالىستى. جينالعان قارجىعا ەگدە تارتقان قارتتارعا, مۇمكىندىگى شەكتەۋلى جاندارعا, كوپ بالالى جانە جالعىزباستى انالارعا, جالپى 207 وتباسىعا ازىق-ت ۇلىك سەبەتىن تاراتتى. ازىق-ت ۇلىكتىڭ ءبىر سەبەتى 13 600 تەڭگەدەن 14 800 تەڭگەگە دەيىنگى شامادا الىنعان. اتىراۋلىق كاسىپكەرلەر باۋىرجان كەنجەعاليەۆ پەن گۋسەين يبراگيموۆ تاعى 100 وتباسىعا ازىق-ت ۇلىكپەن كومەكتەستى. 77 وتباسى كومپانيالار تاراپىنان جاردەم الدى. «تەحنوسەرۆيس» جشس 50 وتباسىنا انتيسەپتيك تاراتتى.
ۆولونتەر تىگىنشىلەر بىرنەشە مارتە پايدالانۋعا ارنالعان 12 269 ماسكا تىكتى. بۇدان بولەك كاتوليك شىركەۋىنىڭ ۆولونتەرلەرى 132 ماسكا تىگىپ بەردى.
مونيتورينگ جۇرگىزەتىن ۆولونتەرلەر اۋداندارعا ءبولىنىپ, ازىق-ت ۇلىك باعاسىنا مونيتورينگ جۇرگىزە باستادى. ارقايسىسى دۇكەندەردى, سۋپەرماركەتتەردى اپتاسىنا ءۇش رەت ارالاپ شىعادى. باعالار كەستەسىن قالالىق كاسىپكەرلەر بولىمىنە جىبەرىپ وتىرادى.
ۆولونتەرلەر شتابىندا 100-گە جۋىق ۆولونتەر بار. ولار بەس باعىت بويىنشا كومەكتەسەدى. ۆولونتەرلەر – 30-55 ارالىعىنداعى قالا تۇرعىندارى. ولاردىڭ اراسىندا تاكسيشىلەر, كومپانيا قىزمەتكەرلەرى, ءۇي شارۋاسىنداعى ادامدار, ۆاحتادا جۇمىس ىستەگەن ازاماتتار دا بار.
ەلۆيرا ارالوۆا,
«سامعا جۇرەگىم» قوعامدىق بىرلەستىگىنىڭ جەتەكشىسى:
– ءبىز اپتاسىنا 3 رەت سۋپەرماركەتتەر, بازارلارداعى باعانى باقىلايمىز. شاعىمدانۋعا ەش سەبەپ جوق. باعا ايىرماشىلىعىن بايقامادىق.
بۇدان بولەك رەيدكە شىعىپ, ۆوكزال ماڭىنداعى اۋدانداردى تەكسەردىك. ماسكا تاقپاعان, مەديتسينالىق قولعاپ كيمەگەن ادامداردى كەزدەستىردىك. بارلىعىنا ەسكەرتۋ جاسالدى. ادامدار ءالى دە ساقتىق شارالارىنا سالعىرت قارايدى. وسى ورايدا اسا قاجەتتىلىك بولماسا, تۇرعىنداردىڭ ۇيدە وتىرعانى ابزال ەكەنىن تاعى ءبىر ەسكەرتكىمىز كەلەدى. ال دالاعا شىققان جاعدايدا ماسكا جانە مەديتسينالىق قولعاپ كيۋى كەرەكتىگىن ۇمىتپاسا دەيمىز. سول كەزدە عانا ءبىز قاۋىپتىڭ, ىندەتتىڭ الدىن الامىز.
ايگەرىم دوسقاليەۆا,
ازاماتتىق ورتالىقتىڭ ديرەكتورى:
– ون كۇنگە جۋىق ۋاقىتتا ءبىزدىڭ قورداعى قاراجات 2 ملن تەڭگەدەن استى. جينالعان قاراجاتقا 384 مۇقتاج وتباسىعا ازىق-ت ۇلىك ساتىپ الىندى. جەرگىلىكتى قايىرىمدى جاندارعا دا العىسىمىزدى بىلدىرەمىز. اللا رازى بولسىن!
ۆولونتەرلەر 5 باعىت بويىنشا جۇمىس ىستەپ جاتىر. جاقىندا التىنشى باعىتتى قوستىق. ولار – كۋلينار-ۆولونتەرلەر. ياعني ولار بەكەتتە تۇرعان قىزمەتكەرلەر مەن دارىگەرلەرگە ىستىق بولكە ءپىسىرىپ جەتكىزەدى. الداعى ۋاقىتتا ىستىق تاعاممەن قامتاماسىز ەتۋ دە ويىمىزدا بار. ۆولونتەرلەردىڭ بارلىعى دا 30-55 جاس ارالىعىنداعى قالا تۇرعىندارى.
سونىمەن قاتار اتىراۋ وبلىسى پوليتسيا دەپارتامەنتىنىڭ باسشىسى حامزا ۇمبەتقاليەۆ مىرزاعا ءبىزدىڭ ۆولونتەرلەرگە ارنايى تىگىلگەن فورمالار بەرگەنى ءۇشىن العىس بىلدىرگىم كەلەدى.
الماگۇل عالىمجانوۆا,
قالا تۇرعىنى:
– از قامتىلعان, جالعىزباستى, كوپ بالالى انالارعا, قارتتارعا قولۇشىن سوزعاندارى ءۇشىن اتىراۋ قالاسىنىڭ ۆولونتەرلەرىنە كوپ راحمەت! ءبىر-بىرىمىزگە وسىلاي قولداۋ كورسەتۋ ارقىلى بىرلىگى جاراسقان ەل ەكەنىمىزدى كورسەتە الدىق دەپ ويلايمىن. نيەتتەرىڭىز اللادان قايتسىن!
گۇلناز قوسمۋرزيەۆا,
ۆولونتەر
اتىراۋ
