توتەنشە وقيعاعا بايلانىستى وبلىستىق پوليتسيا دەپارتامەنتىندە سىبايلاس جەمقورلىققا قارسى كۇرەس قىزمەتى جانە پد وزىندىك قاۋىپسىزدىك باسقارماسى قىزمەتكەرلەرىمەن بىرلەسكەن تارتىپتىك كوميسسيانىڭ كەڭەيتىلگەن شۇعىل وتىرىسى بولىپ ءوتتى. وعان بەينەسەلەكتورلىق رەجىم ارقىلى بارلىق اۋداندىق بولىنىستەر مەن شال اقىن اۋدانى پوليتسيا ءبولىمىنىڭ جەكە قۇرامى قاتىستى.
قازىر كۇدىكتى ۋاقىتشا ۇستاۋ يزولياتورىنا قامالدى. پد تارتىپتىك كوميسسياسىنىڭ شەشىمى ونى ىشكى ىستەر ورگاندارىنان تەرىس سەبەپتەرمەن جۇمىستان شىعاردى. ال تىكەلەي باسشىسى, ياعني اۋداندىق پوليتسيا ءبولىمىنىڭ باستىعى اتقارىپ وتىرعان لاۋازىمىنان بوساتىلدى. سونىمەن قاتار, بىرقاتار باسشىلار, سونىڭ ىشىندە وبلىستىق پد باستىعىنىڭ ەكى ورىنباسارى قاتاڭ تارتىپتىك جاۋاپكەرشىلىككە تارتىلدى. پارا الۋ فاكتىسى بويىنشا سىبايلاس جەمقورلىققا قارسى كۇرەس قىزمەتىندەگى ارىپتەستەرمەن قك 366-بابى بويىنشا سوتقا دەيىنگى تەرگەۋ جۇرگىزىلۋدە. «بۇگىن مەن جازا قولدانۋ تۋرالى بۇيرىققا قول قويدىم. ءبىز الداعى ۋاقىتتا دا ءوز قاتارىمىزداعى قۇقىق بۇزۋشىلارعا قاتاڭ شارالار قولداناتىن بولامىز. مۇنداي كەلەڭسىز ءجايت بارلىق جەكە قۇرام توتەنشە جاعداي كەزىندە ەرەكشە رەجىمدە قىزمەت اتقارىپ جاتقان ۋاقىتتا ورىن الدى. كەز كەلگەن سىبايلاس جەمقورلىق قۇقىق بۇزۋشىلىق كورىنىستەرىنىڭ جولىن ىمىراسىز كەسەتىن بولامىز», - دەدى سقو پد باستىعى پوليتسيا پولكوۆنيگى مارات تولەباەۆ.
سولتۇستىك قازاقستان وبلىسى
