تاسىمالداۋعا رۇقسات بەرەتىن ەشقانداي قۇجاتى بولماعان. 240 بوتەلكەنىڭ بىردە-بىرەۋىندە اكتسيزدىك ماركا دا بولماي شىققان. سونداي-اق تاۋاردى قايدان, قانداي جاعدايدا ساتىپ العانى جونىندە قويىلعان سۇراقتارعا كۇدىكتى جاۋاپ بەرە الماعان. پوليتسەيلەر وسىنشا اراقتىڭ شىعۋ تەگىن, سونداي-اق قازاقستان اۋماعىنا مەملەكەتتىك ساپا باقىلاۋىنان وتپەگەن سپيرتتىك ىشىمدىكتىڭ قالاي جەتكىزىلگەنىن انىقتايتىن بولادى.
«قازىر اكتسيزدىك ماركاسى جوق بولعاندىقتان الكوگول ونىمدەرى ساراپتاماعا جىبەرىلدى. ال ونى تاسىمالداعان اۋىل تۇرعىنىنا قاتىستى اكىمشىلىك قۇقىق بۇزۋشىلىق تۋرالى كودەكستىڭ تاۋارلارعا ارنالعان ىلەسپە جۇكقۇجاتتاردى ۇسىنباۋ نە ۋاقتىلى ۇسىنباۋ, تاۋارلارعا ارنالعان ىلەسپە جۇكقۇجاتتا تاۋارلار اتاۋىنىڭ سايكەس كەلمەۋى, ولاردىڭ سانىن (كولەمىن) انىق كورسەتپەۋ, سول سياقتى تاۋارلارعا ارنالعان ىلەسپە جۇكقۇجاتتا مۇناي ونىمدەرىنىڭ, تەمەكى بۇيىمدارىنىڭ, ەتيل ءسپيرتىنىڭ جانە الكوگول ءونىمىنىڭ, بيووتىننىڭ دەربەس سايكەستەندىرۋ ءنومىر-كودىن انىق كورسەتپەۋ بويىنشا ماتەريال جينالدى»,- دەدى ەسىل اۋدانى پوليتسيا ءبولىمىنىڭ باستىعى پوليتسيا پودپولكوۆنيگى ەرلىك ەسلامبەكوۆ.
بۇعان دەيىن سقو اۋماعىندا وسى جىلى تاركىلەنگەن اششى سۋدىڭ وسىنداي ءىرى كولەمى تابىلعان جوق ەدى. وسىعان دەيىن زاڭسىز اينالىمنان تەك 81 ليتر سپيرتتىك ىشىمدىك تاركىلەنگەن.
سولتۇستىك قازاقستان وبلىسى
