– كارانتيننىڭ ەنگىزىلۋىمەن كاسىپكەرلىكتىڭ بارلىق سالاسى قيىندىققا تاپ بولعانى بەلگىلى. اسىرەسە, اۋىل شارۋاشىلىعى سالاسىنداعى كاسىپكەرلەر تىعىرىققا تىرەلىپ وتىر. بۇل ماسەلەگە ۇكىمەتتىك دەڭگەيدە ءمان بەرىلىپ, كوكتەمگى دالالىق جۇمىستاردى, تابيعاتتى قورعاۋ, ۆەتەريناريالىق جۇمىستار جۇرگىزۋ, اۋىل شارۋاشىلىق, ونىڭ ىشىندە بال ارا شارۋاشىلىعى ءىس-شارالارىنا قاتىسى بارلارعا ءجۇرىپ-تۇرۋعا رۇقسات بەرىلدى.
اۋىل شارۋاشىلىعى تەحنيكالارىنا قاتىستى دا تۇيتكىلدى ماسەلە بايقالۋدا. بۇزىلعان تەحنيكاعا قوسالقى بولشەكتەر ساتاتىن ساۋدا ورىندارىنىڭ بارلىعى جابىق. سوندىقتان دا قوسالقى بولشەك ساتۋمەن اينالىساتىن كاسىپكەرلىك نىساندار ءتىزىمىن جاسادىق. اتالمىش ماسەلە وبلىستىق شتابتا قارالىپ, سول تىزىمگە ەنگەن كاسىپكەرلەرگە عانا جۇمىس جاساۋعا رۇقسات بەرىلدى - دەيدى پىرمۇحاممەد سىزدىقوۆ.
اتالمىش كاسىپكەرلىك سۋبەكتىلەرى كارانتين جاعدايىندا بارلىق سانيتارلىق تالاپتاردى ساقتاي وتىرىپ, 23 ساۋىردەن باستاپ ساعات 10.00 مەن 15.00 ارالىعىندا قىزمەت كورسەتەتىن بولادى.
