قازىر ۋنيۆەرسيتەتتەگى ماڭىزدى توپ – سوڭعى كۋرس ستۋدەنتتەرى. ولار كەشەندى ەمتيحان تاپسىرۋى كەرەك. بۇل جۇمىس قالاي جۇرگىزىلمەك؟
ءمينيستردىڭ ورىنباسارى م.داۋلەنوۆتىڭ ايتۋىنا قاراعاندا, كەشەندى ەمتيحان قابىلداۋدا ءاربىر جوو ءۇش نۇسقانىڭ ءبىرىن قولدانادى:
- كەشەندى ەمتيحاندى قاشىقتان تاپسىرۋ فورماتىندا وتكىزۋ;
- جيىنتىق باعانى بازالىق پاندەر بويىنشا باعالارىنىڭ نەگىزىندە قويۋ;
- كەشەندى ەمتيحاندى كەشىرەك مەرزىمگە اۋىستىرۋ (جازعا نەمەسە كۇزگە).
جوو مينيسترلىك تاراپىنان رۇقسات الماي-اق, جيىنتىق باعانى بازالىق پاندەر بويىنشا باعالارىنىڭ نەگىزىندە قويۋ ارقىلى كەشەندى ەمتيحانداردى وتكىزبەۋ تۋرالى شەشىم قابىلداي الادى. سەبەبى 2018 جىلى قازاقستاننىڭ جوعارى وقۋ ورىندارى اكادەميالىق دەربەستىك الدى, سوعان بايلانىستى نەگىزگى تاڭداۋدى ۋنيۆەرسيتەت وزدىگىنەن جاساۋعا قۇقىلى.
