جۋىردا وبلىستىق تج دەپارتامەنتىنىڭ ءورت ءسوندىرۋ قىزمەتى بويىنشا باستىعى, پولكوۆنيك نۇرلان اتىعاەۆ جۋرناليستەرگە بريفينگ بەرىپ, وبلىستاعى ءورت احۋالى تۋرالى بايانداپ بەردى. ونىڭ ايتۋىنا قاراعاندا بۇگىنگە دەيىن 5,7 گەكتار جەردى قامتىعان 4 ورمان ءورتى بولىپتى. سونداي-اق ەگىس ورتتەرى 400 گا جەردىڭ قاۋىن دا ورتتەپ كەتكەن. ء«بىز شارۋالاردى ۇنەمى ورتتەن ساقتاندىرىپ وتىرامىز. وبلىستا وندايمەن اينالىساتىن 206 ادامدىق 48 ۇتقىر توپ بار. ولار بۇگىنگە دەيىن 112 رەيد جاساپ, 43 ادامدى اكىمشىلىك جاۋاپكەرشىلىككە تارتتى. ولاردىڭ تولەگەن ايىپپۇلدارى 13 مىڭ تەڭگەدەن اسىپ وتىر», دەدى پولكوۆنيك.
كەيبىر ەگىس ورتتەرى كەيدە اۋىلعا دەيىن جەتىپ, تۇرعىندارعا قاتەر ءتوندىرىپ قالادى. ماسەلەن, م.جۇماباەۆ اۋدانىنداعى ەگىستەن تاراعان ءورت جەلدىڭ ۇيىتقۋىمەن «زولوتايا نيۆا» مەن «يزوبيلنوە» اۋىلدارىنا دەيىن جەتىپ قالعان. ءورت ءسوندىرۋ قىزمەتى مەن ەرىكتى ورتسوندىرگىشتەردىڭ بىرلەسە قيمىلداعان جۇمىسىنىڭ ناتيجەسىندە ءورت دەر كەزىندە سوندىرىلگەن. الايدا اۋىل شەتىندەگى ەشكىم تۇرمايتىن التى ءۇيدى ءورت شارپىعان.
سولتۇستىك قازاقستان وبلىسى
