ازاماتتىق جانە قىزمەتتىك وت قارۋدىڭ اينالىمىن باقىلاۋ جونىندەگى بولىنىستەرىنىڭ ينسپەكتورلارى جەرگىلىكتى پوليتسيا قىزمەتىمەن بىرلەسە وتىرىپ, قۇقىق بۇزۋشىلىق پەن قىلمىستاردى ەسكەرتۋ ماقساتىندا تۇراقتى تۇردە تەكسەرىس جۇرگىزەدى. وسىنداي جۇمىستاردىڭ ناتيجەسىندە جىل باسىنان بەرى وبلىستا اكىمشىلىك قۇقىق بۇزۋشىلىق كودەكسىنىڭ «جەكە جانە زاڭدى تۇلعالاردىڭ قارۋدى زاڭسىز يەلەنىپ الۋى, بەرۋى, وتكىزۋى, ساقتاۋى, الىپ ءجۇرۋi, تاسىمالداۋى» بويىنشا 15 بۇزۋشىلىق فاكتىسى انىقتالىپ, مىلتىقتارى الىندى.
ماسەلەن, جەدەل-پروفيلاكتيكالىق ءىس-شارا بارىسىندا ماعجان جۇماباەۆ اۋدانى پوليتسيا ءبولىمىنىڭ قىزمەتكەرلەرى مەدۆەجكا اۋىلىنىڭ 29 جاسار تۇرعىنى اتىس قارۋىن ەشقايدا تىركەمەگەندىگىمەن قويماي, ءۇيىنىڭ كىرەبەرىسىندە ساقتايتىندىعى انىقتالدى. ءسويتىپ, ودان تەگىس ۇڭعىلى 16 كاليبرلى «يج-ك» مىلتىعى تاركىلەندى. قارۋدىڭ قايدان الىنعانى تۋرالى سۇراققا ول مىلتىقتى شامامەن 10 جىل بۇرىن ءۇيدى ساتىپ العان كەزدە تاۋىپ الدىم دەگەن جاۋاپ ايتقان. مىلتىقتى زاڭسىز ساقتاعانى ءۇشىن وعان قوسىمشا 20 ايلىق ەسەپتىك كورسەتكىش كولەمىندە ايىپپۇل سالۋ كوزدەلگەن.
«تىركەلمەگەن اتىس قارۋىن, وق-دارىلەر مەن جارىلىس زاتتارىن ءوز ەركىمەن تاپسىرعان ازاماتتار قىلمىستىق جانە اكىمشىلىك جاۋاپكەرشىلىكتەن بوساتىلادى. قارۋدى تىركەۋ, قايتا تىركەۋ تارتىپتەرىنە قاتىستى سۇراقتارمەن سولتۇستىكقازاقستاندىقتار اكىمشىلىك پوليتسيا باسقارماسىنا حابارلاسا الادى», - دەدى وسى باسقارمانىڭ اعا ينسپەكتورى, پوليتسيا مايورى قۇرمان مۋسين.
سولتۇستىك قازاقستان وبلىسى
