باسىلىم اۆتورىنىڭ پىكىرىنشە, گولوۆكين مەكسيكالىق ساۋل «كانەلو» الۆارەستەن (53-1-2, 36 كو) جەڭىلسە دە, وتانداسىمىز رەيتينگتە ءبىرىنشى ورىنعا لايىق دەپ تانىلعان. ال «كانەلو» ەكىنشى ورىنعا جايعاسقان.
2010-2019 جىل ارالاعىندا قازاقستاندىق بوكسشى كاسىپقوي بوكس شارشى الاڭىندا 25 جەكپە-جەك وتكىزىپ, ونىڭ 23-ىندە جەڭىسكە جەتكەنى بارشاعا ءمالىم. ءبىر كەزدەسۋى تەڭ ەسەپپەن اياقتالسا, بىرەۋىندە جەڭىلىسكە ۇشىراعان بولاتىن.
«الۆارەس گولوۆكيندى ەكىنشى جەكپە-جەكتە جەڭگەنىمەن, كەزدەسۋ تەڭ دارەجەدە ءوتتى دەپ ەسەپتەيمىن. جەڭىستى قازاقستاندىق بوكسشىعا دا بەرۋگە بولار ەدى. بىراق بۇل ەڭ باستىسى ەمەس. ءتىپتى «كانەلو» گولوۆكيندى نوكاۋتقا جىبەرگەن كۇننىڭ وزىندە دە GGG ءبارىبىر رەيتينگتە ءبىرىنشى تۇراتىن ەدى. ويتكەنى, مۇنىڭ بىرنەشە سەبەبى بار. گولوۆكين 10 جىلدىڭ ىشىندە تەك ورتا سالماقتا جۇدىرىقتاسىپ كەلسە, «كانەلو» بۇل سالماقتا كوپ ونەر كورسەتە قويعان جوق. سونىمەن قاتار گولوۆكين 2012-2017 ارالىعىندا ءوز سالماعىنداعى توپ-10 بوكسشىنىڭ التاۋىن نوكاۋتقا جىبەرگەنىن ۇمىتپاعانىمىز ءجون», دەپ جازادى اتالعان باسىلىم.
The Sweet Science باسىلىمى ۇسىنعان ورتا سالماقتاعى ۇزدىك ون بوكسشىنىڭ ءتىزىمى تومەندەگىدەي:
- گەننادي گولوۆكين
- ساۋل الۆارەس
- سەرحيو مارتينەس
- دەنيەل دجەيكوبس
- دەنيەل گيل
- ميگەل كوتتو
- بيللي دجو سوندەرس
- فەليكس شتۋرم
- پيتەر كۋيللين
- دميتري پيروگ
