كوممۋنالدىق كومەك I, II جانە III توپتاعى مۇگەدەكتەرگە, ۇوس قاتىسۋشىلارى مەن مۇگەدەكتەرىنە, ۇوس قاتىسۋشىلارى مەن مۇگەدەكتەرىنە تەڭەستىرىلگەن تۇلعالارعا, مۇگەدەك بالالاردى تاربيەلەپ وتىرعان وتباسىلارعا, كوپ بالالى وتباسىلارعا, ەڭ تومەنگى زەينەتاقى الاتىن زەينەتكەرلەرگە, مەملەكەتتىك جانە قوعامدىق مىندەتتەرىن, اسكەري قىزمەتىن ورىنداۋ كەزىندە, عارىشقا ۇشۋلاردى دايارلاۋ نەمەسە جۇزەگە اسىرۋ كەزىندە, ادام ءومىرىن قۇتقارۋ كەزىندە, قۇقىق ءتارتىبىن قورعاۋ كەزىندە قازا تاپقان ادامداردىڭ وتباسىلارىنا, ااك الاتىن ازاماتتارعا, ونىڭ ىشىندە جالعىز باستى زەينەتكەرلەرگە بەرىلەدى. قاراعاندى وبلىسىندا وسى ساناتتاعى ازاماتتارعا جاتاتىن 118 مىڭ ادام بار.
تولەم سوماسى كوممۋنالدىق قىزمەت ءۇشىن ەسەپتەلەتىن شوت مولشەرىنە بايلانىستى بولمايدى جانە ول 15 مىڭ تەڭگەنى قۇرايدى.
ال اۋىلدىق جەرلەردە اي سايىنعى تولەم 5 مىڭ تەڭگەنى قۇراسا دا, 15 مىڭ تەڭگە دەربەس شوتقا اۋدارىلادى. «كەيىن تۇتىنۋشىلار وسى اقشانى تولەمگە جۇمساي الادى. ەگەر سوما كوپ بولسا, مىسالى, قالا تۇرعىندارىنىڭ تولەمى 18 مىڭ بولسا, ءبىز تەك 15 مىڭدى عانا شوتقا اۋدارا الامىز, ال قالعانىن قىزمەت الۋشىنىڭ ءوزى تولەيدى», دەپ ءتۇسىندىردى ۇلانتاي ۇسەنوۆ.
باسقارما باسشىسى ءساۋىر ايىنا تيەسىلى تولەمدەر مامىر ايىندا بەرىلە باستايتىنىن ايتتى. كوممۋنالدىق قىزمەت اقىسى كورسەتىلگەن تۇبىرتەكتى العان ازاماتتار جەرگىلىكتى اكىمدىكتەرگە حابارلاسىپ, جەڭىلدىك الۋ ءۇشىن ءوتىنىش بەرۋگە قۇقىلى. اكىمدىك قىزمەتكەرلەرى ءوتىنىش بەرۋشىنىڭ مالىمەتتەرى مەن جەكە دەرەكتەرىن تەكسەرەدى. ەگەر, ولار كومەك الۋعا قۇقىلى ازاماتتاردىڭ ساناتىنا جاتاتىن بولسا, وندا دەربەس شوتىنا ءتيىستى قاراجات اۋدارىلادى.
ءوتىنىم ۇلگىسى دايىن بولعان سوڭ, ول بۇقارالىق اقپارات قۇرالدارىندا جانە الەۋمەتتىك جەلىلەردە جاريالانادى.
