- بۇگىنگى تاڭدا ءوڭىردىڭ باس سانيتارلىق دارىگەرىنىڭ شەشىمىمەن جابىلعان كوپ قاباتتى تۇرعىن ۇيلەردىڭ پودەزدەرىن جانە باسقا دا نىسانداردى قۇقىق قورعاۋ ورگانىنىڭ 112 قىزمەتكەرى كۇزەتەدى, - دەيدى جاسقايرات قايىروۆ. سونداي-اق جەرگىلىكتى اتقارۋشى ورگاندار مەن مەديتسينا قىزمەتكەرلەرى جۇمىلدىرىلعان. 16 ناۋرىزدان باستاپ تج رەجيمىن بۇزعانى ءۇشىن 575 ادام, كارانتين جاريالانعان كەزەڭنەن 388 ادام انىقتالدى. سپيكەردىڭ ايتۋىنشا, تج جاريالانعان كەزدە باستاپقىدا وتباسىلىق جانە ەسكە الۋ شارالارىن وتكىزۋ فاكتىلەرى, ءدامحانالار مەن مەيرامحانالاردىڭ جۇمىسىندا بۇزۋشىلىقتار, سونداي-اق دۇكەندەردىڭ يەلەرى مەن ساتۋشىلارى قولعاپسىز جانە ماسكاسىز قىزمەت كورسەتكەن بولسا, كارانتين كەزىندە جۇرگىزۋ قۇقىعىنسىز جانە ەشبىر سەبەپسىز جۇرەتىن كولىك جۇرگىزۋشىلەرى ۇستالدى.
سپيكەردىڭ ايتۋىنشا, تج جاريالانعان كەزدە باستاپقىدا وتباسىلىق جانە ەسكە الۋ شارالارىن وتكىزۋ فاكتىلەرى, ءدامحانالار مەن مەيرامحانالاردىڭ جۇمىسىندا بۇزۋشىلىقتار, سونداي-اق دۇكەندەردىڭ يەلەرى مەن ساتۋشىلارى قولعاپسىز جانە ماسكاسىز قىزمەت كورسەتكەن بولسا, كارانتين كەزىندە جۇرگىزۋ قۇقىعىنسىز جانە ەشبىر سەبەپسىز جۇرەتىن كولىك جۇرگىزۋشىلەرى ۇستالدى.
- كارانتين كەزىندە بلوك-بەكەتتەردەن قالاعا 27 مىڭنان استام كولىك وتكەن جانە 24 مىڭنان استام شىققان, - دەدى جاسقايرات قايىروۆ. ەكىباستۇز قالاسىندا دا وسىنداي شارالار ۇيىمداستىرىلادى. بلوك-بەكەتتەردە پاۆلودار قالاسى بويىنشا 110 قىزمەتكەر تۇرادى. ولار وتباسىنان جەكە قوناقۇيلەردە ورنالاستىرىلعان. سونىمەن قاتار, ەكىباستۇز جانە اقسۋ قالالارىندا, اققۋلى جانە ماي اۋداندارىندا ورنالاسقان بلوك-بەكەتتەردەگى قىزمەتكەرلەرگە دە وسىنداي جاعداي جاسالعان.
ايتا كەتەيىك, كۇن سايىن جولداعى قاۋىپسىزدىك پەن قوعامدىق كۇزەتتى قامتاماسىز ەتۋگە پوليتسيا دەپارتامەنتىنەن 1200-دەن استام جانە ۇلتتىق ۇلاننان 200 قىزمەتكەر جۇمىلدىرىلعان.
