- «ەلباسى, «Nur Otan» پارتياسىنىڭ توراعاسى ن. ءا. نازارباەۆتىڭ تاپسىرماسى بويىنشا ء«بىز بىرگەمىز» اكتسياسىنىڭ ەكىنشى كەزەڭىن باستايمىز. وسى اكتسيا اياسىندا 10 000-نان استام الەۋمەتتىك وسال ساناتتاعى وتباسىلاردى, ءبىرىنشى قاجەتتىلىكتەگى ازىق-ت ۇلىك ونىمدەرمەن جانە بەتپەردەلەرمەن قامتاماسىز ەتەمىز. اتالعان اكتسيا مامىر ايىنىڭ ورتاسىنا دەيىن جالعاسادى», - دەدى ەلنۇر بەيسەنباەۆ.
ءار قوراپتا 30 كگ استام ازىق-ت ۇلىك بار. وعان ءبىرىنشى قاجەتتىلىكتەگى ازىق-ت ۇلىك ونىمدەرى, جارما, ماكارون ونىمدەرى, كۇنباعىس مايى جانە ءشاي سەكىلدى تاۋارلار كىرەدى. سونداي-اق ازىق-ت ۇلىكپەن قوسا, وتباسىلارعا بەتپەردەلەر جەتكىزىلەدى. ءار وتباسىعا 50 دانا.
سونىمەن قاتار ەلنۇر بەيسەنباەۆ وتكەن اپتادا «Birgemiz» قورى ساتىپ العان 5 ملن قورعانىس بەتپەردەنى, ەلىمىزدىڭ 3 ءىرى قالالارىنىڭ تۇرعىندارىنا تاراتىلىپ جاتقانىن ايتتى. بۇگىنگى كۇنگە دەيىن 2 ملن-نان استام ماسكا 40 000 وتباسىعا تاراتىلدى.
جالپى العاندا بۇل ىسكە ەلىمىز بويىنشا 3000-نان استام ەرىكتى قاتىسۋدا. وسى جاعدايدى پايدالانا وتىرىپ, ءبىز ءوز دەنساۋلىعىن قاتەرگە تىگىپ, قىزمەت ەتىپ جاتقان, بارلىق ۆولونتەرلارعا ەرەكشە العىس بىلدىرەمىز, دەپ اتاپ ءوتتى «Jas Otan» جەتەكشىسى.
19 ناۋرىزدان باستاپ Jas Otan-نىڭ 3000-نان استام ەرىكتىلەرى 56 مىڭنان استام وتباسىن ءبىرىنشى قاجەتتىلىكتەگى تاۋارلارمەن قامتاماسىز ەتۋگە كومەك كورسەتتى. كۇن سايىن نۇر-سۇلتان جانە الماتى قالالارىندا ەرىكتىلەر 1200-دەن استام جالعىزباستى زەينەتكەرلەردى ىستىق تاماقپەن قامتاماسىز ەتەدى.
تۇڭعىش پرەزيدەنت - ەلباسى, «Nur Otan» پارتياسىنىڭ كوشباسشىسى ن. ءا. نازارباەۆتىڭ تاپسىرماسى بويىنشا قۇرىلعان «Birgemiz» قورى بۇگىنگى تاڭدا 152 000 از قامتىلعان وتباسىلارعا 50 000 تەڭگەدەن قارجىلاي كومەك كورسەتتى.
قور سونداي-اق, نۇر-سۇلتان جانە الماتى قالالارىنىڭ 2000-نان استام دارىگەرلەرىنە 50 000 تەڭگە كولەمىندە اقشالاي قولداۋ كورسەتتى.
