ماقتاارال اۋدانىندا تۇرىك ينۆەستورلارىمەن بىرلەسە وتىرىپ, توقىما ونەركاسىبىن اشۋ جوسپارلانىپ وتىر. جوبانىڭ قۋاتى جىلىنا 6,6 مىڭ توننا توقىما بۇيىمدارىن قۇرايدى.
سايرام اۋدانىندا ءجۇندى قايتا وڭدەۋ تسەحى ىسكە قوسىلادى. قۋاتتىلىعى كۇنىنە 3 توننا.
جەتىساي اۋدانىندا 200 ملن تەڭگەگە اياق كيىم فابريكاسى ىسكە قوسىلادى دەپ كۇتىلۋدە. جوبانىڭ قۋاتتىلىعى كۇنىنە 200 جۇپ اياق كيىم قۇرايدى.
شىمكەنت قالاسىندا 2,9 ملرد تەڭگەنى قۇرايتىن 5 جاڭا ءوندىرىس وشاعى ىسكە قوسىلىپ, ونىڭ ىشىندە 1,8 ملرد تەڭگەگە قاعاز ونىمدەرىن شىعارۋعا ارنالعان ەكى بىردەي جوبا ىسكە قوسىلماق.
توقىما ونىمدەرىنە ارنالعان جوبالارمەن قاتار, بيىل اياق كيىم ءوندىرىسىن كەڭەيتۋ كوزدەلگەن. جوبا قۇنى 290 ملن تەڭگە. قۋاتى – جىلىنا 150 مىڭ جۇپ. دايىندالاتىن ءونىم تولىعىمەن ىشكى نارىققا شىعادى. شىمكەنتتەگى جوسپارلانعان 5 جوبا ىسكە اساتىن بولسا, 240 ادام جۇمىسپەن قامتىلادى دەپ جوسپارلانۋدا.
ال الماتى وبلىسىندا بيىل بالالاردىڭ جورگەكىن شىعارۋعا ارنالعان ءوندىرىس ورنى ءوز جۇمىسىن باستاماق. جوبا قۇنى 256 ملن تەڭگە. وبلىستاعى 80 مىڭ ادام جۇمىسپەن قامتىلادى دەپ كۇتىلۋدە.
