وندا كوروناۆيرۋستان جازىلىپ شىققان قالا تۇرعىنى وبلىستىق جۇقپالى اۋرۋلار اۋرۋحاناسىنىڭ مەديتسينا قىزمەتكەرلەرىنە ەرەكشە العىسىن بىلدىرەدى.
«بۇگىن ۇيگە كەلگەنىمىزگە ەكى كۇن بولادى. كوڭىل-كۇيىمىز بەن دەنساۋلىعىمىز جاقسى. وسىدان 15 كۇن بۇرىن اۋرۋحاناعا تۇسكەندە وتە قاتتى ۇرەيدە بولعانىمىزدى جاسىرمايمىن. سول ساتتە دارىگەرلەر جانىمىزدان تابىلىپ, كوڭىلىمىزدى اۋلاپ, پسيحولوگيالىق قولداۋ كورسەتتى. بىزبەن بىرگە ۋايىمداپ, زەرتتەۋ ناتيجەلەرىن تاعاتسىزدانا كۇتتى. پالاتاعا ء«بىز بىرگەمىز, ءبىز جەڭەمىز!» دەپ كىرەتىن دارىگەرلەردىڭ داۋىسىنان ەڭسەمىز كادىمگىدەي كوتەرىلەتىن. شىن ايتام, بۇل ءتورت قابىرعاعا قامالىپ, ەڭسەسى ەزىلگەن ناۋقاستارعا ۇلكەن دەمەۋ بەرىپ, جىگەر سىيلادى» دەيدى حات يەسى.
ودان ءارى حات يەسى اق حالاتتى ابزال جاندار ءوزىن عانا ەمەس 87 جاستاعى اجەسىن, اكەسى مەن اناسىن, اپكەلەرى مەن ءىنىسىن ەمدەپ شىققانىن جازادى. سونىمەن قاتار, جۇقپالى اۋرۋلار اۋرۋحاناسىنىڭ دارىگەرلەرىنە, ونداعى ورتا بۋىن قىزمەتكەرلەرگە العىسىن جەتكىزىپ, ەڭبەكتەرىنە تابىس تىلەيدى.
