پوليتسيانىڭ كەلگەنىن كورىپ توبەلەسىپ جاتقانداردىڭ ءبىرى ءوزىنىڭ بۇزاقىلىق ارەكەتتەرىن توقتاتقان. ال اراقتىڭ قىزۋىنان شالىقتاپ كەتكەن ايەل مەن تاعى ءبىر ەر ادام وزدەرىنىڭ قوعامدىق جەردەگى ورەسكەل ءارەكەتتەرىن ودان ءارى جالعاستىرىپ, اۋىزدارىنان اق يت كىرىپ, قارا يت شىعىپ, ءتىپتى جۇدىرىقتارىن دا جۇمساۋدى توقتاتپاعان. پوليتسيا قىزمەتكەرلەرىنىڭ ەسكەرتۋلەرىن دە قۇلاقتارىنا قىستىرماعان. ءتىپتى, پوليتسيا قىزمەتكەرىنە دە قول كوتەرگەن.
باسقا امالى قالماعاندىقتان پوليتسيا قىزمەتكەرلەرى ولاردىڭ قولدارىن بۇراپ, ماشينانىڭ قورابىنا كۇشپەن سالۋعا ءماجبۇر بولعان. وسىنىڭ ءبارى سول جەردەگى كامەرانىڭ جازۋىنا دا ءتۇسىپ قالعان. بىراق سوعان قاراماي كەيبىر كەراۋىزدار پوليتسيا قىزمەتكەرلەرىن ارتىق كۇش قولداندى دەپ ايىپتاۋدا.
وسىعان بايلانىستى پوليتسيا قىزمەتكەرلەرى بەينەكورىنىستەردى كورسەتە وتىرىپ, جۋرناليستەرگە تۇسىنىك بەردى. «بۇل قۇقىقبۇزۋشىلىق وقيعاسى ازاماتتاردىڭ ءبارى ۇيلەرىندە وتىرۋعا ءتيىستى كارانتين رەجىمى كەزىندە بولىپ وتىر. قازىرگى ۋاقىتتا پوليتسيا قىزمەتكەرلەرىنە رەجىمدى بۇزىپ, دالادا جۇرگەن جانە قوعامدىق ورىندا قۇقىقبۇزۋشىلىق ارەكەتتەر جاساعاندارعا قاتاڭ ءتارتىپ تالاپ ەتۋ قۇقى بەرىلگەن. مىنا قۇقىقبۇزۋشىلارعا سوت ءتيىستى قاتاڭ جازا بەرەتىن شىعار دەگەن ۇمىتتەمىز. ءبىز ماتەريالداردى سوتقا بەرۋگە ازىرلەۋدەمىز», دەدى وبلىستىق پوليتسيا دەپارتامەنتى باستىعىنىڭ ورىنباسارى, پولكوۆنيك مارات تولەباەۆ.
جۇرتتىڭ ءبارى ورتاق قاۋىپتەن قورعانىپ, ۇيلەرىندە وتىرسا كەيبىر ساناسىزدار وسىلاي كوشەدە توبەلەس تە ۇيىمداستىرۋدا. وندايدى اقتايتىندار نەنى كوزدەيتىنى بەلگىسىز.
پەتروپاۆل
