– كەشە كەيبىر باق باسپا بەتتەرىندە COVID-19 كوروناۆيرۋسىمەن كۇرەس شەڭبەرىندە ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنە ۇستەمە اقى تولەنبەگەنى تۋرالى اقپاراتتار جاريالاندى.
اتالعان فاكت بويىنشا مەملەكەتتىك كوميسسياسىنىڭ تاۋەكەل ساناتتارى تىزىمىنە كىرەتىن بارلىق مەديتسينا قىزمەتكەرلەرى جۇمىس ىستەگەن ساعاتتار ءۇشىن تولىق كولەمدە تولەمدەر الاتىندىعىن رەسمي تۇردە حابارلايمىن.
مەملەكەتتىك كوميسسيانىڭ شەشىمىنە سايكەس, مەملەكەت باسشىسىنىڭ تاپسىرماسى بويىنشا كومەك الۋعا ءۇش تاۋەكەل توبىنا جاتقىزىلعان مەديتسينا قىزمەتكەرلەرى قۇقىلى ەكەنىن ەسكە سالامىز. ولار: رەانيماتسيا بولىمشەلەرىن قوسا العاندا, ينفەكتسيالىق ستاتسيونارلاردىڭ, پروۆيزورلىق ستاتسيونارلاردىڭ جانە جەدەل جاردەمنىڭ, كارانتيندىك ستاتسيونارلاردىڭ, سانيتارلىق دارىگەرلەردىڭ, جەدەل جاردەمنىڭ جۇرگىزۋشىلەرى جانە وشاقتاردا جانە كۆي بار پاتسيەنتتەرمەن تىكەلەي جۇمىس ىستەپ جاتقان دارىگەرلەر, ورتا جانە كىشى مەديتسينا قىزمەتكەرلەرى.
كەيبىر مەديتسينالىق ۇيىمداردا, اتاپ ايتقاندا بالالار قالالىق جۇقپالى اۋرۋلار اۋرۋحاناسىندا جانە مەديتسينالىق جەدەل جاردەم قىزمەتىندە ورىن العان الەۋمەتتىك شيەلەنىسكە بايلانىستى, بۇل بۇيرىقتىڭ نەگىزگى ەرەجەلەرى تۋرالى, جالاقىعا قوسىمشا بەرىلەتىن ۇستەمەاقى كىمگە تيەسىلى جونىندە جانە قىزەتكەرلەر ساناتى تۋراى مەن ءوزىم جەكە ءتۇسىندىرۋ جۇمىستارىن جۇرگىزگەن بولاتىنمىن.
وسى بۇيرىقتىڭ تاۋەكەل توبىنا كىرمەگەن قىزمەتكەرلەرگە قاتىستى, ولار بويىنشا مەديتسينالىق ۇيىمداردىڭ جالاقى قورىنان قارجىلاي قولداۋ تۋرالى شەشىم قابىلدانۋدا. بۇل ماتەريالدىق قولداۋ مەديتسينا قىزمەتكەرلەرىنىڭ كۇشىن ىنتالاندىرۋ جانە قولداۋ ءۇشىن ماڭىزدى.
سونداي-اق, تولەمدەر قر سالىق كودەكسىنە سايكەس بارلىق سالىقتاردى ەسكەرە وتىرىپ, ايلىق جۇمىس بالانسىنان اسپايتىن ناقتى جۇمىس ىستەگەن ۋاقىتى ءۇشىن جۇرگىزىلەتىندىگىن ەسكە سالعىم كەلەدى.
قازىرگى ۋاقىتتا 3 758 قىزمەتكەرگە, ونىڭ ىشىندە 498 دارىگەرگە, 1800 ورتا مەديتسينا قىزمەتكەرىنە, 624 كىشى مەديتسينا قىزمەتكەرىنە جانە باسقا دا 836 قىزمەتكەرگە, ونىڭ ىشىندە مەديتسينالىق جەدەل جاردەم قىزمەتىنىڭ 822 جۇرگىزۋشىسىنە تولەم جۇرگىزىلدى.
تولەمدەردىڭ جالپى سوماسى 1 134,8 ملن. تەڭگەنى قۇرادى. قازىرگى ۋاقىتتا تولەمدەر مەديتسينالىق جەدەل جاردەم قىزمەتىنىڭ جۇمىسكەرلەرىنە جۇرگىزىلۋدە, وسىلايشا 100%-عا دەيىن جەتكىزىلەتىن بولادى
سوvid-19-بەن تىكەلەي جۇمىس ىستەۋ بارىسىندا جۇقتىرعان جاعدايدا مەديتسينا قىزمەتكەرلەرىنە تولەنەتىن تولەمدەرگە قاتىستى, ولارعا 2 ملن. تەڭگە كولەمىندە وتەماقى تولەنەدى. تولەم قر دسم كوميسسياسى ەپيدەميولوگيالىق تەكسەرۋ جۇرگىزگەننەن كەيىن جۇرگىزىلەتىن بولادى, دەدى تىلەۋحان ابىلداەۆ.
الماتى
