وسىعان بايلانىستى قالانىڭ شەت ايماقتارىنداعى تۇرعىندار ازىق-ت ۇلىكتەن تارىقپاۋى ءۇشىن قالا اكىمىنىڭ تاپسىرماسىمەن قولعا الىنعان باستامانى «ميراس» جانە «انۆار» ساۋدا ورتالىقتارى قولداپ, كوشپەلى ساۋدا ۇيىمداستىردى.
«ەدەلۆەيس», «سابالاق», «پمك-29», «ەلەكترومونتاجنيك», ناۋرىز, اقسۋات ساياجايلارى مەن ەلدى مەكەندەرىندە تۇراتىندارعا نارىق باعاسىنان 5-10% تومەن باعادا ازىق-ت ۇلىك پەن تۇرمىسقا قاجەتتى زاتتار جەتكىزىلدى. جالپى كوشپەلى ساۋدادا كارتوپ, پياز, ءسابىز, كۇرىش, روجكي, ءسۇت, ءشاي, وسىمدىك مايى مەن سابىن, ۇنتاق, سىرىڭكە, حيميالىق تازارتقىشتار ساتىلىمعا شىعارىلدى. العاشقى ساۋدادا 5 تونناعا جۋىق ازىق-ت ۇلىك پەن تۇرمىستىق زاتتار ساتىلىپتى.
بۇعان قوسا, «ەۆروفارم» جشس ۇيىمداستىرعان جىلجىمالى ءدارىحانا قىزمەتى قالانىڭ شەت ايماقتارىنا شىعىپ, ءوز تاۋارلارىن حالىققا ۇسىنۋدا.
– تۇرعىندار سىرتقا بارماي-اق ءۇيىنىڭ الدىنا كەلىپ تۇرعان جىلجىمالى كولىكتەن قولجەتىمدى باعادا قاجەتتى زاتىن الدى. بۇل جۇمىستار توتەنشە جاعداي كەزەڭىندە جالعاسا بەرەدى, – دەدى قالالىق كاسىپكەرلىك, ونەركاسىپ جانە تۋريزم ءبولىمىنىڭ باسشىسى الماسبەك ەسماحانوۆ.
