بۇل قايىرىمدىلىق اكتسياسىن سول قالانىڭ «سك ۋنيا سولەتس كۋياۆسكي» كلۋبىنىڭ پرەزيدەنتى – ماتەۋش چيجەۆسكي باستاعان. ول ءوز قالاسىنىڭ تانىمال تۇلعالارىن قايىرىمدىلىق ءىس-شاراسىن قولداۋعا شاقىرىپ, الەۋمەتتىك جەلىدە ء«بىز اۋرۋحانا ءۇشىن وينايمىز» دەگەن جازۋى بار فوتو جاريالاعان.
ء«بىزدىڭ قالادا جومارت جاندار جەتكىلىكتى. سولاردىڭ ءبىرى – ۇلكەن جۇرەكتى ازامات ياتسەك گۋرالسكي. پولشا قۇراماسىنىڭ فۋتبولشىسى وسىنداي قيىن-قىستاۋ ۋاقىتتا ءبىزدى قولدايدى دەپ سەنەمىز. ايتپاقشى, ءبىزدىڭ كومانداداعى ەڭ ۇزدىك ويىنشىنىڭ ءبىرى ياتسەكتى كۋميرىم دەپ سانايدى», دەپ جازعان چيجەۆسكي.
100 مىڭ زلوت (10,2 ميلليوننان تەڭگەدەن استام) كولەمىندە قاراجات جيناۋ Zrzutka.pl سايتىندا جۇرگىزىلەدى. گۋرالسكيدىڭ ءوزى 500 زلوت ءبولدى (51 مىڭ 221 تەڭگە). جينالعان سومما دارىگەرلەرگە ارنالعان قورعانىس قۇرالدارىن ساتىپ الۋعا جۇمسالادى.
27 جاستاعى گۋرالسكي «قايرات» ساپىنا جىل باسىندا بولگاريانىڭ «لۋدوگورتس» كلۋبىنان اۋىسقان بولاتىن.
ايتا كەتەيىك, بۇعان دەيىن «استانانىڭ» چەرنوگوريالىق فۋتبولشىسى جاركو توماشەۆيچ تا قايىرىمدىلىق جاساعان بولاتىن.
