پالاتا 10 ساۋىردەن بەرى ازىق-ت ۇلىك, مەديتسينالىق زاتتار مەن جانار-جاعارماي تاسىمالداۋشى كاسىپكەرلەردى «سەرگەك» دەرەكقورىنا ەنگىزىپ كەلگەن, ەندى بۇل تىركەۋ ءتيىستى سالالىق مەكەمەلەر اراسىندا ءبولىندى. وسى كەزگە دەيىن جاسالعان دەرەكقور تولىق ءوشىرىلىپ, قايتادان جاساقتالۋدا. سوندىقتان 15 ساۋىرگە دەيىن ءوتىنىش بەرگەن كاسىپكەرلەر سالالار بويىنشا وتىنىمدەردى قايتادان جولداۋى قاجەت.
ەسكەرتە كەتەر ءبىر جايت, ءبىر ءوتىنىش ەكى ەلەكتروندى پوشتاعا قاتار جىبەرىلسە, بازاعا ەنگىزۋ بارىسىندا اقپارات قاتە رەتىندە كورسەتىلىپ, ادامداردىڭ ءتىزىمى, كولىكتەر ەنبەي قالادى. سونداي-اق, اقپاراتتىڭ انىقتىعى قۇزىرلى ورگاندار تاراپىنان مۇقيات تەكسەرىلەدى.
ەندى اۋىل شارۋاشىلىعى سالاسىنداعى كاسىپكەرلەر وبلىستىق اۋىل شارۋاشىلىعى باسقارماسى ارقىلى بازاعا ەنگىزىلەدى.
قالا ىشىندە, سونداي-اق قالا قاراستى كەنت جانە ەلدى-مەكەندەردەگى ازىق-ت ۇلىك دۇكەندەرى, كوپ قاباتتى ۇيلەر مەن تۇرعىن الاڭدارىندا, جەكە ۇيلەردە ورنالاسقان ازىق-ت ۇلىك دۇكەندەرىنە تاۋار تاسىمالداۋشى كاسىپكەرلەردى قالالىق كاسىپكەرلىك ءبولىمى ەنگىزەدى.
اۆتوجانارماي قۇيۋ, اۆتوگاز قۇيۋ ستانتسيالارى جانە ونى قامتاماسىز ەتۋشى مەكەمەلەر, ناۋبايحانالار, تاماق ونەركاسىبى جانە وسى ونىمدەرگە ارنالعان ورام ماتەريالدارىن ءوندىرۋ, بۋىپ-ءتۇيۋ ماتەريالدارىن ءوندىرۋدى قوسا العاندا, دارىلىك پرەپاراتتاردى جانە جەكە قورعانىش قۇرالدارىن ءوندىرۋ, مەديتسينالىق جابدىقتار مەن مەديتسينالىق قۇرالدار, سانيتارلىق گيگيەنالىق ونىمدەرى, تاماق ونىمدەرىن سەرتيفيكاتتاۋ, دارىلىك پرەپاراتتاردى جانە مەديتسينالىق بۇيىمداردى وندىرۋگە ارنالعان شيكىزاتتى قويمالاۋ جانە ديستريبۋتسيالاۋ سالاسىنداعى كاسىپكەرلەردى دەرەكقورعا وبلىسىنىڭ كاسىپكەرلەر پالاتاسى ەنگىزەدى.
پالاتا «سەرگەك» دەرەكقورىنا جاسى 18 تولماعان جانە 55-تەن اسقان ازاماتتار ەنگىزىلمەيتىنىن, ءوتىنىمدى جولداعاننان كەيىن 1-2 كۇن كۇتۋ كەرەكتىگىن ەسكەرتىپ وتىر.
