ء«بىزدىڭ جاتتىعۋ تاڭعى 10:00-دە باستالادى. فۋتبولشىلارعا ارنالعان چات 9:30-دا اشىلادى, جانە سول ۋاقىتتا ويىنشىلاردىڭ بارلىعى دەرلىك قوسىلۋى كەرەك. ەگەر كەيبىر فۋتبولشى 9:30-دان كەيىن, بىراق ۋاقىتىلى قوسىلسا ولارعا ەشتەڭە دەمەيمىز. ال بەلگىلەنگەن ۋاقىتتان تىم كەشىگىپ قوسىلاتىن بولسا, وندا ايىپپۇل تولەۋگە تۋرا كەلەدى», دەيدى كلوپپ.
اعىلشىن پرەمەر-ليگاسى ناۋرىز ايىندا كورناۆيرۋس پاندەمياسىنا بايلانىستى بەلگىسىز ۋاقىتقا دەيىن شەگەرىلگەن بولاتىن. چەمپيوناتتىڭ 29-تۋرىنان كەيىن «ليۆەرپۋل» كلۋبى 82 ۇپايمەن كوش باستاپ كەلەدى. بولجام بويىنشا اپل ويىندارى مامىر ايىنىڭ سوڭىنا قاراي باستالادى دەپ كۇتىلۋدە.
