بۇل اسىرەسە, قويمالاردا ۇزاق جاتاتىن ونىمدەرگە پايدالى. وسى ۋاقىتقا دەيىن مۇندايدى دا رەسەيدەن ساتىپ الىپ كەلگەن ەكەنبىز, ەندى ءوزىمىز شىعاراتىن بولىپ جاتىرمىز. اشىلاتىن جۇمىس ورىنى - 150 ادامعا جۋىق. ازىرگە 35 ادام جۇمىس ىستەۋدە. جۋىردا وسى وندىرىسكە وبلىس اكىمى قۇمار اقساقالوۆ تا بارىپ, جاڭا ونىمدەرمەن تانىستى. «بۇل ءونىم اسىرەسە, تۇقىمدىق بيدايىن ۇزاق مەرزىمگە ساقتايتىن ديحانشىلارعا قاجەت بولادى. جاسىراتىنى جوق, كوپتەگەن قويمالاردان سۋ اعىپ, ساقتاعان تۇقىمنىڭ ساپاسى تومەندەپ, ب ۇلىنە باستايدى. ال مىنا الىپ قاپشىقتارعا ساقتالعان ونىمدەرگە ەشقانداي دىم تيمەيتىن بولادى», دەدى اكىم.
بۇل جوبا ء«وندىرىس» مەملەكەتتىك باعدارلاماسى اياسىندا ىسكە اسىپ وتىر. كاسىپورىن سول باعدارلامانىڭ ارقاسىندا جىلدىق ءوسىمى 6 پايىز عانا بولاتىن 500 ملن تەڭگە نەسيە العان. قاپشىقتاردى تىگەتىن ماشينكالار جاپونيالىق ونىمدەر, كاسىپورىن ولاردىڭ ارقايسىسىن 5 مىڭ 800 اقش دوللارىنا ساتىپ العان. شيكىزاتتىڭ نەگىزگى بولىگى رەسەيدەن, سونداي-اق تايۆان سياقتى الىس شەتەلدەردەن الىنادى. كاسىپورىن جىلىنا وسىنداي قاپشىقتىڭ 1,5 ملن داناسىن شىعارۋدى جوسپارلاپ وتىر. كاسىپورىننىڭ قۇرىلتايشىسى مۇقان ءسادۋوۆتىڭ ايتۋىنا قاراعاندا ءبىزدىڭ كاسىپورىندارىمىز مۇنداي ءونىمدى نەگىزىنەن رەسەيدەن الىپ كەلگەن, «ەندى ءوزىمىز شىعاراتىن بولامىز جانە ونىڭ ساپاسى كورشى ەلدىكىنەن ارتىق بولاتىنىنان ءۇمىتتىمىز», دەدى ول.
قىزىلجار
