اۋا-رايىنىڭ كۇرت جىلىپ كەتۋىنە وراي قىزىلجار حالقى دا جاعانى جايلاۋعا سالىپ, كوشەلەردە كورىنە باستاعان ەدى. سونىڭ كەسىرىنەن سوڭعى ەكى كۇندە عانا وڭىردە 151 ادام كارانتين رەجىمىن بۇزعانى ءۇشىن ۇستالعان. سونىڭ ىشىندە 120 ادام تەك پەتروپاۆل قالاسىنان بولعان. ەندى جاڭا ىندەتتىڭ تاعى باس كوتەرگەنى حالىقتى ويلانتىپ تاستادى. وسىنىڭ ۇستىنە كەشەدەن بەرى سولتۇستىك حالقىن تاعى ءبىر جاڭالىق قاتتى تولقىتىپ تۇر. بۇگىن لوندوننان پەتروپاۆلدىڭ حالىقارالىق اۋەجايىنا ءجۇز شاقتى جولاۋشىسى بار ۇشاق كەلىپ قوندى. بۇلار سول ەلدە قالعان قازاقستان ازاماتتارى ەكەن.
وبلىس اكىمىنىڭ ورىنباسارى رۋسلان الىشەۆتىڭ ايتۋىنا قاراعاندا جولاۋشىلار تەگىس سانيتارلىق-ەپەدەميالىق قاۋىپسىزدىك شارالارىمەن قامتىلىپ, ەشكىممەن ارالاستىرىلماي, بىردەن پەتروپاۆل قالاسىنىڭ قوناقۇيىنە جەتكىزىلەدى. مۇنداي ولار جانە ەكيپاج مۇشەلەرى ەكى كۇن بويى قاتاڭ باقىلاۋعا الىنىپ, بويلارىندا ىندەتتىڭ بار-جوعى تەكسەرىلەدى. سونىمەن بىرگە اينالاعا كۇزەت قويىلىپ, قوناقۇيگە ەشكىمدى جاقىنداتپايدى. جولاۋشىلار تەگىس اقى-پۇلسىز تاماقتاندىرىلادى. ەگەر بويلارىنان ىندەتتىڭ ءىزى بىلىنبەسە تۇراقتى مەكەندەرىنە جىبەرىلەدى.
ر.الىشەۆ اتاماعانىمەن بۇگىن قالىڭ كوپشىلىككە جولاۋشىلاردىڭ قانداي قوناقۇيگە تۇسەتىنى بەلگىلى بولدى. ول قىزىلجاردىڭ قاق ورتاسىنداعى, جاياۋ حالىق بارىنشا كوپ جۇرەتىن ساياباقتىڭ الدىندا ورنالاسقان «قىزىلجار» قوناقۇيى ەكەن. كارانتين دەسەك تە جۇمىسقا باراتىن حالىق ونىڭ الدىنان كوپ وتەدى. سوندىقتان تۇرعىندار لوندوننان كەلگەن قوناقتاردىڭ بۇل قوناقۇيگە ورنالاستىرىلعانىنا نارازى ەكەندىكتەرىن الەۋمەتتىك جەلىلەردە جارىسا جازىپ جاتىر...
سولتۇستىك قازاقستان وبلىسى
