قازىر پالاتانىڭ سall-ورتالىعىنا بيزنەس وكىلدەرىنەن تۇسكەن ساۋالدارعا تۇسىندىرمە جاسالىپ, كەيبىر ماسەلەلەر قارجى ۇيىمدارىنا جولدانۋدا.
– وبلىستىق كاسىپكەرلەر پالاتاسى مەملەكەت باسشىسىنىڭ شاعىن جانە ورتا بيزنەسكە بەرىلگەن نەسيەنىڭ نەگىزگى قارىزى مەن سىياقىسىن تولەۋ مەرزىمدەرىن كەيىنگە قالدىرۋ تۋرالى تاپسىرماسىنا سايكەس ەكىنشى دەڭگەيلى بانكتەر جانە قارجى ۇيىمدارىمەن جۇيەلى جۇمىستار جۇرگىزۋدە. «بيزنەستىڭ جول كارتاسى - 2025», «قاراپايىم زاتتار ەكونوميكاسى», «ەڭبەك» باعدارلامالارى اياسىندا جەڭىلدەتىلگەن نەسيە العان كاسىپكەرلەردىڭ جالپى سوماسى 5,8 ملرد تەڭگە بولاتىن نەسيە تولەمى كەيىنگە قالدىرىلدى, – دەدى پالاتا ديرەكتورىنىڭ ورىنباسارى.
كاسىپكەرلەر پالاتاسىنىڭ سەنىمگەرلىك باسقارۋىنداعى «قىزىلوردا» وڭىرلىك ينۆەستيتسيالىق ورتالىعى» دا كەلىپ تۇسكەن وتىنىشتەر بويىنشا جەدەل شارالار قابىلداۋدا. سونىڭ ناتيجەسىندە بۇگىنگى كۇنگە دەيىن وڭىرلىك ورتالىقتان قارجى العان 99 جوبانىڭ 35,3 ملن تەڭگە تولەمى كەيىنگە قالدىرىلدى.
سونداي-اق, توتەنشە جاعداي كەزەڭىندە كاسىپكەرلەرگە ەكىنشى دەڭگەيلى بانكتەر دە جەڭىلدىكتەر جاساۋ ارقىلى قولداۋ كورسەتىپ وتىر. بۇگىنگى كۇنگە دەيىن بانكتەر مەن قارجى ۇيىمدارىنا بيزنەسمەندەردەن تۇسكەن 1254 ءوتىنىمنىڭ 818-ءى ماقۇلدانىپ, وتىنىشتەرى قاناعاتتاندىرىلعان.
