كوكتەم مەزگىلىندە قازاقستاندىقتار الاڭداردى, ساياباقتاردى ارالاپ, سەرۋەندەۋگە داعدىلانعان. بىراق بيىل توتەنشە احۋالعا بايلانىستى بارلىق ءىس-شارالار توقتاتىلىپ, تۇرعىندارعا ۇيدە بولۋعا كەڭەس بەرىلۋدە. سوندىقتان ForteBank كوپشىلىكتى قۋانتۋدىڭ جولى رەتىندە #SaveNauryz فلەش-موبىن ىسكە قوستى.
فلەش-موبتىڭ تالابى قاراپايىم: 21-29 ناۋرىز ارالىعىندا ناۋرىز مەرەكەسىنە ارنالعان بەينەقۇتتىقتاۋ جازىپ, سودان كەيىن #SaveNauryz حەشتەگىن بەلگىلەپ, الەۋمەتتىك جەلىلەرگە جاريالاۋ كەرەك ەدى. كەيىنىرەك قارجى ۇيىمى فلەش-موبقا قاتىسۋدىڭ تاعى ءبىر جولىن ۇسىندى - «كوزىمنىڭ قاراسى» ءانىن ورىنداپ, بەينەگە ءتۇسىرۋ. نەگىزگى شارت - ۇيدە بولۋ.
جاقىندا ForteBank فلەش-موبتى قورىتىندىلاپ, اباي اندەرىن ەڭ جاقسى ورىنداۋشىلاردىڭ تۇسىرىلىمدەرىنەن بەينەروليك جاساپ, جاريالادى. باستاپقى كەزدەرى ۇيىمداستىرۋشىلار قاتىسۋشىلار كوپ بولاتىندىعىنا ۇمىتتەنگەنى راس. ويتكەنى, قازاقستان – قوناقجاي, مەيىرىمدى جانە ءانشى ەل. ال اكتسيانىڭ ناتيجەسى ولار كۇتكەن مەجەدەن دە اسىپ ءتۇستى. العاشقى كۇنى فلەش-موبقا 1000-نان استام ءار ءتۇرلى جاستاعى تۇرعىندار قاتىسقان. شارانىڭ سوڭىنا دەيىن بارلىعى 2500 ادام وزدەرىنىڭ بەينەقۇتتىقتاۋلارىن جولداپتى. وسىلايشا, قازاقستان حالقى بىرىگىپ, ءبىر-بىرىنە مەرەكەلىك لەبىزدەرىن ءبىلدىردى. كارانتين جاعدايىنا قاراماستان, ناۋرىز مەيرامىن قۋانا قارسى الدى.
ۆيدەونىڭ سوڭىندا ForteBank كارانتين كۇندەرى ۇيىندە بولعان بارلىق قازاقستاندىقتارعا العىس ايتادى جانە كەز-كەلگەن بانكتىك قىزمەتتەردى on-line رەجيمىندە پايدالانۋعا بولاتىندىعىن ەسكەرتەدى.
«مۋزىكا - بۇل تاڭقالارلىق نارسە. بۇل ءبىزدى بىرىكتىرەدى, شابىتتاندىرادى جانە جىگەر بەرەدى. جۇزدەگەن قازاقستاندىق ابايدىڭ ءانىن شىرقاپ, ونى ماڭگىلىك مۇرا ەكەنىن دالەلدەدى. ولارعا قوسىلىڭىز, ءان ايتىڭىز, بىراق باستىسى - كارانتين كۇندەرى ۇيدە بولىڭىز. توتەنشە احۋالدى تەزىرەك جاقسارتۋ ءۇشىن وعان بىرگە قارسى تۇرۋىمىز كەرەك», - دەلىنگەن Youtube-تەگى ۆيدەودا.
