سوڭعى تاۋلىكتە جاڭادان انىقتالعان جاعداي 174 بولدى. ونىڭ 58-ءى جەرگىلىكتى ناۋقاسپەن بايلانىستا بولعاندار, ونىڭ ىشىندە بالالار قالالىق كلينيكالىق جۇقپالى اۋرۋلار اۋرۋحاناسىنىڭ 1 قىزمەتكەرى, ورتالىق قالالىق كلينيكالىق اۋرۋحانانىڭ 110 مەديتسينا قىزمەتكەرى, مەديتسينالىق جەدەل جاردەم قىزمەتىنىڭ 2 قىزمەتكەرى, №32 قالالىق ەمحانانىڭ 1 قىزمەتكەرى, №11 قالالىق ەمحانانىڭ 1 قىزمەتكەرى, №1 قالالىق كلينيكالىق اۋرۋحانانىڭ 1 قىزمەتكەرى بار.
بۇرىنعى №12 اۋرۋحانا, ياعني ورتالىق قالالىق كلينيكالىق اۋرۋحانانىڭ 1200-گە تارتا قىزمەتكەرى مەن مىڭداعان پاتسيەنتى بار ەكەندىگىن ەسكەرسەك, ءالى دە كوروناۆيرۋستىڭ ينفەكتسيا جۇقتىرىپ العانداردىڭ سانى ارتى ءتۇسۋى عاجاپ ەمەس.
ىندەت جۇقتىرىپ وتىرعان 110 دارىگەرگە كەلەتىن بولساق, ونىڭ ىشىندە دوكتورلارمەن بىرگە ورتا جانە كىشى بۋىن مەدپەرسونالى دا بار.
الماتىدا كەشە عانا ەكى بىردەي ءىرى ەمدەۋ مەكەمەسى جۇمىسىن توقتاتۋعا ءماجبۇر بولىپ وتىرعاندىعىن حابارلاعان ەدىك. قالاداعى بالالار جۇقپالى اۋرۋحاناسىمەن بىرگە, بۇرىنعى «№12 اۋرۋحانا», ياعني ورتالىق قالالىق كلينيكالىق اۋرۋحاناسى دا كارانتينگە جابىلدى.
كەشە عانا 13 ساۋىردە, ياعني ءبىر كۇندە 27 مەديتسينا قىزمەتكەرى ىندەتكە شالدىققانى رەسمي ءمالىم بولعان-دى.
وسى ارادا الماتى قالاسىنىڭ دەنساۋلىق ساقتاۋ باسقارماسى جۋرناليستەردىڭ كوپتەگەن ساۋالدارىنا جاۋاپ بەرمەي وتىرعاندىعىن ايتا كەتكەن ءجون.
الماتى
