ءدال وسى كەزەڭدە ساياجايشىلار توڭىرەكتەرىن تازالاپ, قوقىستارىن ورتتەي باستايدى, استىق ەگەتىن شارۋا دا بىلتىردان قالعان ساباندى كۇيدىرۋگە كىرىسەدى. ال سەكۋندىنا 20 مەترلىك, كەيدە ودان دا كوپ جىلدامدىقپەن سوعىپ تۇرعان وكپەك جەل وتتى اسپانعا بىردەن لاۋلاتىپ, جاقىن ماڭداعى ادامداردىڭ وزدەرى مەن مۇلكىنە ءورت قاۋىپسىزدىگىن تۋدىرادى. وسى كەزەڭدە 55 رەت ءشوپ كۇيدىرۋدەن ءورت تۇتانعان. وتكەن دەمالىس كۇندەرى عانا 10 رەت ءورت شىققان. جەلدىڭ جىلدامدىعى دا وسى كۇندەرى قاتتى ارتىپ, سەكۋندىنا 28 مەترگە جەتكەن.
ن. اتىعاەۆ ءورت سوندىرۋگە قالاداعى بارلىق بولىمدەردىڭ اۆتوماشينالارى قاتىسقانىن ايتتى. «قازىر ءورت قاۋپىن بولدىرماس ءۇشىن ءبىز شارۋالار مەن ساياجايشىلاردى قوقىس جاقپاۋعا, سابان كۇيدىرمەۋگە شاقىرۋدامىز. بىراق حالىقتىڭ كوبى ءبىزدىڭ ەسكەرتۋلەرىمىزگە قۇلاق اسپاۋدا. كارانتيننىڭ بولعانىنا قاراماستان ساياجايشىلار قىستان قالعان قوقىستارىن جيناپ, ءۇزىلىسسىز ورتتەۋدە. سابان ورتتەۋشىلەرگە قاتىستى ءبىز 31 ءموبيلدى توپ جاساقتادىق, قاي جەردە ءورت بولسا, الدىمەن سولار جەتەدى», دەدى پولكوۆنيك. سونىمەن بىرگە ول ورتكە ۇلاسقان وت جاعۋشىلارعا كەمىندە 500 اەك كولەمىندە ايىپپۇل سالىناتىنىن ەسكەرتتى. وتكەن دەمالىس كۇندەرى عانا سونداي 10 ادامعا ايىپپۇل سالىنىپتى.
ءسوزىنىڭ سوڭىندا پولكوۆنيك ن.اتىعاەۆ «ورتكە قاۋىپتى كەزەڭ» مامىر ايىنىڭ اياعىنا دەيىن سوزىلاتىنىن جەتكىزدى. سونىمەن بىرگە ول تاسقىننىڭ بارىسىنان جۋرناليستەردى حاباردار ەتتى. سەرگەەۆكا سۋ قويماسىنداعى قاۋىپتى كەزەڭى ارتتا قالىپتى. ونداعى سۋ دەڭگەيى 195 سم-گە كوتەرىلگەن ەدى, قازىر 165 سم ءتۇستى, دەدى ول. ممان سۋ باسۋ قاۋپى دە قالىپتاعى جاعدايدا بولاتىنىن جەتكىزدى.
سولتۇستىك قازاقستان وبلىسى
