جاعدايدى تاراتا ايتساق, وسى جىلدىڭ 17 ناۋرىزى كۇنى نۇر-سۇلتان قالاسىنىڭ تۇرعىنى وسىامانكەلدى اۋىلىنداعى اتا-اناسىنىڭ ۇيىنە كەلەدى. ەلورداعا 20 ناۋرىز كۇنى قايتۋى كەرەك بولعانمەن, قالا تولىق جابىلۋىنا بايلانىستى اۋىلدا قالىپ قويعان. وسى ارالىقتا باس قالادا جالدامالى جۇمىستا جۇرگەن اۋىلدىڭ تاعى ەكى ازاماتى جەتەدى.بۇل ۇشەۋى دە اۋىلدىڭ دəرىگەرلىك امبۋلاتورياسىندا 14 كۇن مەديتسينالىق باقىلاۋدا بولىپتى. اتالعان مەرزىمدە ازاماتتاردىڭ دەنساۋلىعىندا وزگەرىستەر بولماعان.
كوپ ۇزاماي اۋىل جاستارى كەش ۇيىمداستىرادى. وتىرىسقا قاتىسقان 15 ادامنىڭ ىشىندە ەلوردادان العاش كەلگەن اۋىل تۇرعىنى دا بولادى. وسىلايشا توتەنشە جاعداي كەزەڭىندە دəرىگەرلىك باقىلاۋدا بولىپ, ۇيدە وقشاۋلانۋ تəءرتىبى ورەسكەل بۇزىلادى.
ءساۋىردىڭ بىرىنەن باستاپ ءوزىن جايسىز سەزىنە باستاعان جاڭاعى ازامات اۋىلدىڭ دارىگەرلىك امبۋلاتورياسىنا كەلىپ, 5 كۇن بويى ەم العان ەكەن. وسىدان كەيىن دە جاعدايى جاقسارا قويماعاندىقتاندəرىگەرلىك امبۋلاتورياعا قايتا قارالىپ, پروۆيزورلىق ستاتسيونارعا جاتقىزىلعان. اۋداندىق اۋرۋحانا دارىگەرلەرى سىناما الىپ, ۆيرۋسولوگيالىق زەرتحاناعا جولداعان. ال, 7 ءساۋىر كۇنى ونىڭ ۆيرۋس جۇقتىرعانى انىقتالدى.
ءبىر اتاپ وتەرلىگى, بۇل ازاماتتاردىڭ بارلىعى دا, قولدانىستاعى زاڭ اكتىلەرىنە سəيكەس باقىلانعان.
ءبىر ادامنان بايقالعان كەسەل بەلگىسى بۇگىندە اۋىلدىڭ 23 تۇرعىنىنان انىقتالىپ وتىر. بارلىعى دا العاشقى تىركەلگەن ناۋقاسپەن تىعىز قارىم-قاتىناستا بولعان ادامدار جانە سولاردىڭ وتباسى مۇشەلەرى.
جەرگىلىكتى بيلىك, ءتيىستى ورىندار دەرت دەندەپ كەتپەۋى ءۇشىن شۇعىل شارالار قابىلدادى. اۋىل دەرەۋ كارانتينگە جابىلىپ, قاتاڭ شەكتەۋلەر ەنگىزىلدى. وسىدان 3 كۇن بۇرىن اۋىلعا وبلىستىق اۋماقتىق قورعانىس بريگاداسىنىڭ اسكەري قۇرامىنان 46 ادام كەلىپ, 57 مىڭ شارشى مەتر اۋماققا دەزينفەكتسيالاۋ جۇمىستارىن جۇرگىزدى. الداعى ۋاقىتتا دا وبلىستىق جۇمىلدىرۋدايىندىعى باسقارماسى ەكى كۇندە ءبىر رەت دەزينفەكتسيالايتىن بولدى. بۇل جۇمىستارعا اۋداندىق ۆەتەريناريالىق ستانتسياسى مەكەمەسىنىڭ ارنايى تەحنيكاسى دا جۇمىلدىرىلدى. «قىزىلوردا تازالىعى» جشس-مەن كەلىسىم-شارت جاسالىپ, تەرەڭوزەك كەنتىنىڭ جانە امانكەلدى اۋىلىنىڭ كوشەلەرىنە 76 مىڭ شارشى مەتر اۋماققا زالالسىزداندىرۋ جاسالدى. قءاۋىپتى ىندەتتىڭ الدىن الۋعا اۋداننىڭ شۇعىل شىعىندار رەزەرۆىنەن 50 ملن تەڭگە قارجى ءبولىندى.
قازىر امانكەلدى اۋىلىنا كىرە بەرىستە ەكى جەرگە ارنايى توسقاۋىل بەكەتءى قويىلىپ, تاۋلىك بويى جۇمىس جاساۋدا. ەءلدى - مەكەن اينالاسىنداعى جولداردىڭ ءبارى ارنايى تەحنيكامەن بەكىتىلدى. بەكەتتى باقىلايتىن پوليتسيا قىزمەتكەرلەرىنىڭ ىستىق تاماعى, ارنايى كيمدەرى جانە جاتىن ورىندارى تولىق شەشىلگەن.
ونىنشى ءساۋىر كۇنى اۋىلعا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى توراعاسىنىڭ ورىنباسارى جانداربەك بەكشين كەلىپ,, باقىلاۋ-وتكىزۋ پۋنكىتىنىڭ جۇمىسىمەن تانىستى.
جان-جاعى تۇيىقتالعان اۋىلدىڭ احۋالى ءتيىستى ورىنداردىڭ نازارىندا تۇر. تۇرعىنداردىڭ بارلىق قاجەتتىلىگى ەسكەرىلگەن.
