22-29 ناۋرىز ارالىعىندا پۋساندا ءوتۋى ءتيىس كوماندالىق الەم چەمپيوناتى 21-28 ماۋسىمعا اۋىستىرىلعان بولاتىن. كوروناۆيرۋس ىندەتىنىڭ قاۋپى ءالى سەيىلمەگەن سوڭ, ITTF اتالعان بىرىنشىلىكتى 27 قىركۇيەك پەن 4 قازان ارالىعىنا سوزۋعا ءماجبۇر بولدى.
«2020 جىلدىڭ 29 ناۋرىزى كۇنى ITTF بارلىق تۋرنيرلەردى ماۋسىم ايىنىڭ سوڭىنا دەيىن توقتاتا تۇرۋدى ءجون ساناعان. الايدا, الەمدەگى جاعدايدى ەسكەرە وتىرىپ, ءبىز كوماندالىق الەم بىرىنشىلىگىن ەكىنشى رەت شەگەرۋگە ءماجبۇرمىز. پاندەمياعا قاتىستى جاعداي كۇزگە دەيىن رەتتەلەدى دەگەن سەنىم مول. سونداي-اق قازىر بارلىق حالىقارالىق فەدەراتسيالار 2020 جانە 2021 جىلدارعا ارنالعان سپورتتىق كۇنتىزبەنى قايتادان قۇرىپ جاتىر. وليمپيا ويىندارىنىڭ كەلەسى جىلعا اۋىستىرىلعانى الداعى ماۋسىم كۇنتىزبەسىن قايتا تۇزۋگە مىندەتتەيدى. وسىعان وراي, ءبىز قالىپتى سپورتتىق ماۋسىمعا 2022 جىلى كەلەمىز دەگەن پىكىردەمىن», دەيدى ITTF اتقارۋشى ديرەكتورى ستيۆ داينتون.
