قازىر حالىقتىڭ تəن ساۋلىعىنان بولەك, جان ساۋلىعىنا قاۋىپ ءتونىپ تۇر. وكىنىشكە قاراي, قوعامدىق ساناعا زيان كەلتىرۋدى ويلايتىندار دا كەزدەسەدى. تۇڭعىش پرەزيدەنت, مىنە, وسىعان الاڭداۋلى.
جالپى, سوڭعى 30 جىلدىڭ كولەمىندە ەلىمىز ءتۇرلى سىني كەزەڭدى وتكەردى. مəسەلەن, 90-جىلدارى حالقىمىز بۇدان دا كۇردەلى ءəرى جاۋاپتى سىناقتاردان ءوتتى. ەگەر تəرتىپكە باعىنىپ, جاۋاپتى بولساق كوروناۆيرۋس ىندەتىنەن دە امان-ەسەن وتەتىنىمىزگە كəمىل سەنەمىن.
شىندىعىنا كەلسەك, وسى پاندەميا بىزگە ۇلكەن ومىرلىك ساباق بولۋعا ءتيىس. بۇرىن مəن بەرگەن مəسەلەلەرگە ەندى باسقاشا قاراۋدىڭ ءسəتى ءتۇستى. جاھاندىق تۇرعىدا قايدا باعىت العانىمىزدى تارازىلاپ, ەكونوميكاداعى ولقىلىقتاردى كورۋگە مۇمكىندىك تۋدى. ءƏلسىز تۇستارىمىز ناقتى ايقىندالا ءتۇستى. مىسالى, ۇكىمەت يمپورتتىق تاۋارلاردى جەرگىلىكتى ونىممەن الماستىرۋدىڭ قام-قارەكەتىنە كوشتى.
مەنىڭ ويىمشا, قازىرگى قيىن احۋال ۇزاققا سوزىلمايدى. تاعى قايتالاپ ايتامىن, بۇعان قاراعاندا ءبىز 90-جىلدارداعى كەزەڭدى ۇزاققا دەيىن ەستە ساقتايمىز. راسىندا دا قازىرگى جاعدايدى اسا قاتتى ويلاۋدىڭ قاجەتى شامالى. قازىر دۇرىس قورىتىندى شىعارىپ, كەلەشەكتەگى قادامدارىمىزدى ويلاستىرعان əلدەقايدا ءتيىمدى. بۇعان دەيىن نە تىندىردىق؟ الداعى ۋاقىتتا قانداي باعىتتا جۇمىس اتقارامىز؟ وسىعان كوڭىل بولگەنىمىز دۇرىس. بۇل مىندەت بىرىنشىدەن, ەگەمەن ەلىمىزدىڭ ءتول قۇرداستارى – وردابۇزار جاستاعى ازاماتتارعا جۇكتەلمەك. ولارعا قولعابىس ەتكەنىمىز ابزال. بارلىق رەسۋرس جەتكىلىكتى. بىلىكتى ادامدار بار. مەديتسينالىق مەكەمەلەرمەن قامتىلعانبىز. ءتۇرلى باعىتتاعى زاماناۋي كلينيكالار بۇگىنگە دەيىن سالىندى. تەك قانا سابىرلى بولىپ, كەز كەلگەن شەشىمدى قابىلداماس بۇرىن جەتى رەت ولشەپ, ءبىر رەت كەسۋدىڭ امالىن ويلاستىرۋ قاجەت. ايتالىق تسيفرلاندىرۋدى الىپ قارايىق. ونلاين وقىتۋ رەجىمىنە كوشەمىز دەدىك. بىراق ونىڭ ءوزى وڭاي شارۋا ەمەس ەكەنىنە كوزىمىز جەتتى. ەندى سودان وي ءتۇيىپ, كەلەسى جوسپارىمىز جۇيەلى بولۋعا ءتيىس.
تۇيىندەي كەلگەندە, ءəلسىز جəنە مىقتى تۇستارىمىزدى بۇل ىندەت كورسەتتى. سوندىقتان ەلباسى ماقالاسى دەر كەزىندە جاريالاندى دەپ ويلايمىن. بۇل قازىر حالىقتىڭ كوڭىلىندە ءۇمىت ۇيالاتادى دەگەن سەنىمدەمىن.
يۆان ساۋەر,
«رودينا» اگروفيرماسىنىڭ باس ديرەكتورى
