ۇشەمدەرىن ۇلبىرەتىپ قۇشاعىنا العان سىمباتتى پەرزەنتحانا الدىندا وبلىس اكىمىنىڭ ورىنباسارى گۇلبارام مۇساعازينا, ەرلى-زايىپتى داۋرەن مەن سىمباتتىڭ اعايىن-تۋىس, جورا-جولداستارى, جۋرناليستەر كۇتىپ الدى. اكىم ورىنباسارى ۇشەمدەردىڭ اناسىنا كورىمدىك دەپ 1 ملن تەڭگەنىڭ سەرتيفيكاتىن بەردى.
دارىگەرلەردىڭ ايتۋىنشا, قوستاناي پەرزەنتحاناسىندا كەيىنگى ون جىلدىڭ كولەمىندە وسىمەن 14 ۇشەم دۇنيەگە كەلىپ وتىر. ءۇش نارەستەنىڭ ەكەۋىنىڭ سالماعى – 2600, بىرەۋىنىكى – 2300 گرامم.
ء«ۇش ۇلىمىز بار, ۇلكەنى – 10, ورتانشىمىز – 8, ودان كىشىسى – 4 جاستا. ەندى ءبىر قىز بەرسە عوي دەپ ارماندايتىنبىز. دارىگەردەن ۇشەمگە جۇكتى ەكەنىمدى ەستىگەندە قايران قالعانىم سونشا, نە ىستەرىمدى بىلمەدىم. 23 كۇن اۋرۋحانادا جاتتىم. دارىگەرلەردىڭ ارقاسىندا جانىمىز قالىپ, ۇشەم سۇيدىك. باقىت دەگەن وسى شىعار», دەيدى كوپبالالى انا سىمبات شاراپيەۆا.
كوپشىلىك نارەستەلەردىڭ اتا-اناسىن جان-جاقتان قاۋمالاپ جارىسا قۇتتىقتاسىپ, گۇل ۇسىنىپ جاتقاندا, ۇشەمدەردىڭ اجەسى عاليا شاراپيەۆا جالعىز ءوزى شەتتەۋ جەردە ويعا باتىپ تۇردى. اجەيدى اڭگىمەگە تارتىپ, «كەلىنىڭىز ءۇش بىردەي نارەسەتەنى ومىرگە اكەلىپ جاتىر. مۇندايدا قۋانبايسىز با؟» دەدىك.
«قۋانامىن عوي, قۋانباعاندا شە, قۇدايدىڭ بەرگەنىنە شۇكىر دەيمىن! بالالارىم وسى قالادان 25 شاقىرىم جەردە ءبىر بولمەلى تار ۇيدە قىسىلىپ-قىمتىرىلىپ تۇرىپ جاتىر. اۋىلدا گاز-سۋ بار, بىراق بۇلاردا جوق. ءوسىپ كەلە جاتقان ءۇش بالاسى بار ەدى, تاعى ءۇش قىزىمىز ومىرگە كەلدى. ەندى وسى نارەستەلەردى قايدا الىپ بارارىمدى ويلاپ, مۇڭايىڭقىراپ تۇرمىن. ءوزىمنىڭ دە ءۇيىم تار. كەلىنىم ءبىرتالاي جىلدان بەرى بالادان ۇزاپ شىعا الماي, ۇيدە وتىر. ۇلىم قوستانايعا كەلىپ-كەتىپ جۇمىس ىستەپ ءجۇر. تاڭەرتەڭ كەتكەننەن كەشكە ءبىر-اق كەلەدى. وسىنداعى ديىرمەننىڭ بىرىندە ۇن تيەيدى. ەندى قالاي بولاتىنىن بىلمەيمىن», دەدى ۇشەمنىڭ اجەسى.
جۇرەگىن بىردە قۋانىش كەرنەپ, بىردە مۇڭ تورلاعان زەينەتكەردى ء«بىر رەتى بولار, قامىقپاڭىز», دەپ جۇباتقان بولدىق.
وسىدان بىرنەشە جىل بۇرىن مەڭدىقارا اۋدانىنداعى حاركوۆ اۋىلىندا ومىرگە كەلگەن نيكولاي, ەۆگەني, ۆيولەتتا ەسىمدى ۇشەمدەردىڭ اناسىنا جەرگىلىكتى اگروفيرمانىڭ باسشىسى ەركىن بۇقانوۆ ەڭسەسى بيىك, كەڭ باسپانا تارتۋ ەتىپ, ۇشەمنىڭ اناسى اي سايىن الىپ تۇراتىن 100 مىڭ تەڭگە كولەمىندەگى قارجىلاي كومەك تاعايىنداعان ەدى. ودان كەيىن, 2024 جىلى قوستانايدا ايارۋ, اردان, ارلان ەسىمدى ۇشەمدەر دۇنيەگە كەلدى. ول كەزدە دە قالا اكىمى مارات جۇندىباەۆتىڭ ءوزى قالبالاقتاپ جۇگىرىپ كەلىپ, كوپبالالى انانىڭ قولىنا ىشىندە ءۇش بولمەلى پاتەر كىلتى بار قىزىل بارقىت قوراپشانى ۇستاتىپ كەتكەنى ەسىمىزدە.
ء«بىر قوزى تۋسا, ءبىر ءتۇپ جۋسان ارتىق شىعادى», ءار بالانىڭ ءوز نەسىبەسى بار, بالكىم, ءۇش ۇلدان كەيىن ۇشەم دۇنيەگە كەلگەن شاراپيەۆتەر وتباسىنا دا قولۇشىن سوزىپ, شاراپاتىن تيگىزەتىن جاناشىر ازاماتتار تابىلىپ
قالار.
قوستاناي وبلىسى
