كوپتەن بەرى بوس تۇرعان 55 پاتەرلى نىساندى جەكە قۇرىلىس كومپانياسى كۇردەلى جوندەۋدەن وتكىزىپ, زامان تالابىنا ساي قايتا قالپىنا كەلتىرگەن. قىسقا ۋاقىت ىشىندە جايلى باسپاناعا اينالعان عيماراتتى جەرگىلىكتى اكىمدىك 983 ملن تەڭگەگە ساتىپ الدى. جاڭا ءۇيدىڭ يەلەرىنە پاتەر كىلتىن تابىستاۋ راسىمىنە ارنايى كەلگەن قالا اكىمى ءامىرحان اسانوۆ كوپشىلىكتى قونىستوي قۋانىشىمەن قۇتتىقتادى.
«حالىقتىڭ ءال-اۋقاتىن, تۇرمىستىق جاعدايىن جاقسارتۋ ماقساتىندا كوپ شارۋا اتقارىلىپ كەلەدى. وسى باعىتتا ىسكە اسىرىلىپ جاتقان «تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023–2029 جىلدارعا ارنالعان تۇجىرىمداماسى» نەگىزىندە وڭىردە جىل سايىن مىڭداعان شارشى مەتر تۇرعىن ءۇي سالىنىپ, ەل يگىلىگىنە بەرىلىپ جاتىر. بۇگىن, مىنە, ءبارىمىز وسىنداي يگى ءىستىڭ كۋاسى بولىپ وتىرمىز. ارقالىقتا ءالى دە تالاي تۇرعىن ءۇي بوي كوتەرەدى. بۇل باعىتتا كوپتەگەن جوبا جوسپاردا تۇر», دەدى قالا اكىمى.
سالتاناتتى جيىندا باسپانا قۋانىشىنا كەنەلگەن ەلۋ بەس وتباسىنىڭ اتىنان «التىن القا» يەگەرى عاليا ىسقاقوۆا ءسوز الىپ, قالا باسشىلىعى مەن قۇرىلىسشىلارعا العىس ايتتى. قازاقتىڭ يگى داستۇرىنە ساي اجەلەر شاشۋ شاشىپ, قادىرلى قاريا, ەڭبەك ارداگەرى قۇلجان سۇلەيمەنوۆ كوپشىلىككە اق باتاسىن بەردى.
قوستاناي وبلىسى
