بۇلار №2-ءشى جانە №3-ءشى ءورت ءسوندىرۋ بولىمدەرىنىڭ قىزمەتكەرلەرى ەدى. ولار قۇرامىندا 6 ارناۋلى تەحنيكا جانە 24 ادام كۇشىمەن ءورت سوندىرۋگە كىرىسكەن. ءورت شىققان 9 قاباتتاعى پاتەردە ادامداردىڭ بارى انىقتالادى. ورتسوندىرۋشىلەر الدىمەن سولاردى قۇتقارۋ قامىنا كىرىسەدى. ولاردىڭ جانكەشتىلىگىنىڭ ارقاسىندا 1960 جىلى تۋعان ءۇي يەسى مەن ونىڭ 1959 جىلى تۋعان ايەلى الدىمەن قۇتقارىلدى. كۇيىك شالعان ولار №3-ءشى قالالىق اۋرۋحاناعا جەتكىزىلگەن. ەكەۋىنىڭ جاعدايلارى دا ازىرگە اۋىر.
سونداي-اق وسى كىرەبەرىستەگى 87 ادام ەۆاكۋاتسيالانعان. ولاردىڭ ىشىندە 24 بالالار. ورتسوندىرۋشىلەردىڭ ۇتىمدى جۇمىسىنىڭ ناتيجەسىندە ءورت باسقا پاتەرلەرگە جايىلماي تۇنگى ساعات 2-دەن 19 ءمينوت وتكەندە تولىقتاي ءوشىرىلدى.
قازىر ءورتتىڭ شىعۋ سەبەپتەرى انىقتالۋدا. الدىن الا ايتقاندا وتتى ابايلاماي قولدانعاندىقتىڭ كەسىرى ەكەندىگى بەلگىلى بولىپ وتىر. ءۇيدىڭ ىشىندەگى جيھازدار مەن جەكە م ۇلىكتەر وت قۇشاعىندا قالعان. ونىڭ شارپىعان جەرىنىڭ جالپى كولەمى 15 شارشى مەتردەي.
پەتروپاۆل
