بىراق وسىنىڭ ءوزى بىلتىرعى جىلدىڭ سايكەس مەرزىمىمەن سالىستىرعاندا تومەندەۋ ەكەن. «بيىل ءورت سانى 30 پايىزعا تومەندەدى, زارداپ شەككەندەر سانى دا ازايعان. بىراق ولگەندەر سانى بىلتىرعىدان بەس ەسە ارتتى», دەدى ول.
ماماننىڭ ايتۋىنا قاراعاندا ورتتەردىڭ شىعۋىنىڭ نەگىزگى سەبەبى پەش ورناتۋدا جىبەرىلگەن قاتەلىكتەر. ءورت قاۋىپسىزدىگىن ساقتاۋدى كوپتەگەن تۇرعىندار بىلمەيدى. سونىمەن قاتار ەلەكترمەن جىلىتىلاتىن پەشتەردى ورناتۋدا دا قاتەلىكتەر جىبەرىلەدى.
«شىققان ورتتەردىڭ اراسىندا ەڭ ايانىشتىسى - بيىلعى ايىرتاۋ اۋدانىنداعى ارىقبالىق اۋىلىنداعى وت بولدى. وندا 1963 جىلعى ءۇي يەسى مەن ونىڭ 1973 جىلى تۋعان ايەلى كوز جۇمدى», دەدى ن.اتىعاەۆ.
ودان ءارى ءورت سوندىرۋشىلەر باستىعى حالىقتى ءورت قاۋىپسىزدىگىن ساقتاۋعا شاقىردى. ءاربىر ادام بىقسي باستاعان ءورتتىڭ ماڭىنان بەيجاي وتپەي, قولىنداعى تەلەفونىمەن 103 نومىرىنە حابارلاسا سالسا, قاسىرەتتى جاعدايلار از بولار ەدى, دەدى ول.
سونىمەن بىرگە ن.اتىعاەۆ كوكتەمگى ەگىسكە القاپتى دايىنداۋ ءۇشىن قويىلاتىن ورتتەردىڭ قاۋىپسىزدىگى تۋرالى دا ايتتى. وندايلاردىڭ كەسىرىنەن تۋىنداعان بىرنەشە ورتتەردىڭ مىسالدارىن دا جەتكىزدى.
سولتۇستىك قازاقستان وبلىسى
