ايماقتار • 09 ءساۋىر، 2020

كەسەلگە ىلىنگىڭ كەلمەسە، كارانتين تالابىن ساقتا

50 رەتكورسەتىلدى

قىزىلوردادا قازىر كوروناۆيرۋس ينفەكتسياسىن جۇقتىرعاندار كوبەيىپ تۇر. قازىر ءوڭىر وبلىستار اراسىندا ءۇشىنشى ورىندا تۇر. ال اۋرۋدى تۇرعىنداردىڭ جان باسىنا شاقساڭىز الدىڭعى قاتارعا شىعارى انىق.

بۇگىن وسى ماسەلەگە وراي بريفينگ وتكىزگەن وبلىس اكىمىنىڭ ورىنباسارى ناۋرىزباي بايقاداموۆ ىندەتتىڭ تاراۋى سول باياعى ەنجارلىعىمىزدان ەكەنىن ايتىپ ءوتتى. مىسالى، وڭىرىمىزدەن سىرتتا وقىپ جاتقان 8 مىڭعا جۋىق ستۋدەنتتىڭ ءتىزىمى جاسالىپ، ەمحانالارعا تاراتىلعان. جاستار ەلگە كەلگەن سوڭ سول ەمحاناعا تىركەلۋى ءتيىس بولاتىن. بىراق، كوپشىلىگى بۇل تالاپتى ورىنداماعان. ونى اكە-شەشەسى دە باقىلاۋدان تىس قالدىرعان.

مىسالى، بۇگىنگى دەرەكتە ميللونعا جۋىق تۇرعىنى بار شىمكەنت قالاسىندا 27 دەرەك تىركەلسە، قىزىلوردا وبلىسىنىڭ ءبىر عانا شيەلى اۋدانىندا انىقتالعاندار سانى 52 بولىپ وتىر. ونىڭ 43-ءى ءبىر اۋىلدىڭ تۇرعىندارى.  

توتەنشە جاعداي باستالعالى بەرى بيۋدجەتتەن، ءتۇرلى رەزەرۆتەردەن قارجى ءبولىنىپ، مەديتسينالىق جابدىقتار مەن ازىق-ت ۇلىك قورىن جاساقتاۋ ۇزدىكسىز جۇرگىزىلىپ جاتىر. ودان بولەك 3790 وتباسىعا 42 ميلليون تەڭگەگە جۋىق قايىرىمدىلىق كومەك كورسەتىلدى. مۇنداي قولداۋ الدا دا جالعاسىن تابادى. وسىنىڭ بارلىعى ەلدىڭ اماندىعى ءۇشىن جاسالىپ جاتقان شارالار. 

– ءدال وسى ساتتە وبلىستا ىندەتكە شالدىققاندار 92-گە جەتىپ وتىر. دەرت بەلەڭ الىپ كەتپەۋى ءۇشىن بارلىعىن جاساپ جاتىرمىز. وسى كۇنگە دەيىن 2 ميلليون 432 مىڭ شارشى مەتر اۋماق زالالسىزداندىرىلىپ، باسقا دا شەكتەۋ شارالارى قولعا الىندى. وبلىس اۋماعىنداعى 35 توسقاۋىل بەكەتىندە از كۇننىڭ ىشىندە توتەنشە جاعداي ءتارتىبىن بۇزعان 201 وقيعا انىقتالدى. بۇل ءبىزدىڭ ازاماتتاردىڭ ءالى دە ەسكەرتۋدى ەلەمەي جاتقانىن كورسەتەدى، – دەدى وبلىس اكىمىنىڭ ورىنباسارى.

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار