وسىعان دەيىن دە قينالعاندى قامقورلىقتان شەت قالدىرماعان كاسىپكەر بۇل جولى ءار وتباسىعا 10 كەلى كۇرىش, 2 ليترلىك كۇنباعىس مايى جانە 5 كەلى ماكارون تاراتتى.
- بۇل كەزەڭ ءبارىمىز ءۇشىن سىناق. وسى ۋاقىتقا دەيىن ەلىمىزدە توتەنشە جاعداي جاريالانعان ەمەس. وسىدان دا كوپ ادام قينالىپ قالىپ جاتىر. سوندىقتان دا تىعىرىقتان بىرگە شىعۋدىڭ جولىن قاراستىرىپ, ءبىر-بىرىمىزگە قولداۋ تانىتۋىمىز كەرەك, – دەيدى كاسىپكەر.
قازىر اۋداندا 8 تۇرعىننان ۆيرۋس بەلگىسى تابىلىپ, بىرقاتار شەكتەۋ شارالارى جاسالدى. بۇل ەڭ الدىمەن الەۋمەتتىك جاعىنان از قامتىلعاندار ءۇشىن قيىن تيەتىنى بەلگىلى. سوندىقتان دا كومەك العاندار وسىنداي قىسىلتاياڭ ساتتە قولۇشىن سوزعان كاسىپكەرگە ريزاشىلىعىن ءبىلدىردى.
