ايماقتار • 09 ءساۋىر، 2020

پەتروپاۆلدا ساياجايلاردى اتتى ساقشىلار كۇزەتۋدە

19 رەتكورسەتىلدى

قازىر پەتروپاۆلدا «زارەچنوە» جانە «نوۆوپاۆلوۆكا» كەنتتەرىندە ساياجاي قوعامداستىقتارىنداعى ءتارتىپتى قاداعالاۋعا سالت اتتى پوليتسەيلەر شىقتى.

ولار ساياجاي قوعامداستىقتارىنىڭ توراعالارىمەن، كۇزەتشىلەرىمەن بايلانىس ورناتىپ، تەلەفوندارىمەن الماسادى، سونداي-اق، ۋچاسكەلەردەگى جاعدايمەن تانىسادى. قىلمىستار مەن قۇقىق بۇزۋشىلىقتاردىڭ اشىلۋى تۇرعىندارمەن جۇرگىزىلەتىن ءوزارا قارىم-قاتىناسقا تىكەلەي بايلانىستى. «سونىمەن قاتار، ءبىز توتەنشە جاعداي رەجىمىنىڭ ەرەجەلەرىن ساياجاي قوعامداستىقتارىنىڭ توراعالارىنا تۇسىندىرەمىز»، - دەيدى پەتروپاۆل قالاسى پوليتسيا باسقارماسىنىڭ كاۆالەريا ۆزۆودىنىڭ كومانديرى، پوليتسيا ستارشيناسى جاقسىلىق قوجەلداقوۆ. 

ونىڭ ايتۋىنشا، ازاماتتار دەنساۋلىقتارىن ساقتاپ، وزدەرىن وقشاۋلاۋى ءتيىس. پاندەميا ءورشىپ تۇرعاندىقتان ءبىر جەردە ءۇش ادامنان ارتىق جينالماۋ، ەكى مەتردەي ارا قاشىقتىقتى ساقتاۋ قاجەت ەكەنىن ەسكە سالامىز. سقو باس سانيتارلىق دارىگەرىنىڭ قاۋلىسىنا سايكەس، ۇيدەن تەك جۇمىسقا، جاقىن ماڭداعى دۇكەن مەن دارىحاناعا شىعۋعا، سونداي-اق قوقىس شىعارۋعا بولادى. ساياجايلار بۇل تىزىمگە كىرمەيدى. سوندىقتان باسىڭىزدى قاتەرگە تىگىپ، تاۋەكەلگە بارۋدىڭ قاجەتى جوق».

بۇل جەرلەردە سۋ تاسقىنى دا بولۋ قاۋپى بار. ساياجاي ۋچاسكەلەرىنە سۋ كەنەتتەن كەلىپ قالۋى مۇمكىن بولعاندىقتان كۇزەتشىلەر ۇنەمى ساق بولۋى ءتيىس.

سالت اتتى ساقشىلاردىڭ باعىتتارى 17 ساياجاي قوعامداستىقتارىنىڭ اۋماعى ارقىلى وتەدى. كوروناۆيرۋس بويىنشا جاريالانعان توتەنشە جاعداي رەجىمىنە بايلانىستى ساياجاي ماۋسىمى كەيىنگە شەگەرىلدى. دەگەنمەن دە، ساياجاي ۇرلىقتارىن بولدىرماۋ ماڭىزدى مىندەتتەردىڭ ءبىرى بولىپ تابىلادى. ساياجاي ۋچاسكەلەرى باۋ-باقشا ماۋسىمى اياقتالعانشا ءتارتىپ ساقشىلارىنىڭ باقىلاۋىندا بولادى.

پەتروپاۆل

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار